Дар шаҳри Бишкеки Ҷумҳурии Қирғизистон аз 11 то 16 сентяри соли равон 6-умин Фестивали байналмилалии театрии «АРТ-ОРДО» баргузор гардид.

Тавре аз Раёсати фарҳанги вилояти Хатлон хабар доданд, дар ин Фестивал театри вилоятии мусиқӣ — мазҳакавии ба номи Ато Муҳаммадҷонови шаҳри Қӯрғонтеппа соҳиби 3 ҷоиза ва дипломи махсуси Вазорати фарҳанг, итиллоот ва сайёҳии Ҷумҳурии Қирғизистон гардид.

Ба иттилои манбаъ, дар маросими пӯшидашавии фестивал ба 3 нафар аҳли адаб ва фарҳанги Ҷумҳурии Тоҷикистон дипломи Академияи фарҳанги Ҷумҳурии Қирғизистон супорида шуд.

Дар охир ҳунармандони театри мазкур Аловуддин Абдуллоев, Меҳринисо Ҳоҷибоева ва Маҳмадалӣ Айюбов бо кормандони Сафорати Ҷумҳурии Тоҷикистон дар Ҷумҳурии Қирғистон вохурӣ гузаронида, баҳри болидахотирии тоҷикони муқими Қирғизистон дар мавзеи Учқурғони шаҳри Қадамҷо барномаи ҳунарӣ намоиш доданд.

Умед МИРЗОЕВ, “ҶТ”