Аз 22 то 26 ноябр дар шаҳри Сиктивкари Ҷумҳурии Комии Федератсияи Русия Бозиҳои 18-уми Делфии ҷавонони кишварҳои аъзои Иттиҳоди Давлатҳои Мустақил ва Бозиҳои 3-юми арктикии Делфи доир гардиданд.

Дар ин хусус АМИТ “Ховар” итттилоъ медиҳад.

Тибқи иттиллои манбаъ Афзалшоҳ Сафарзода аз Ҷумҳурии Тоҷикистон бо суруди “Дилбари ман” (шеъри Низом Қосим, оҳанги Шӯҳрат Ашуров) дар номинатсияи “Овозхонии эстрадӣ”-и бозиҳо сазовори медали биринҷӣ гардид.

Ҳамчунин, гуфта мешавад, ки 5 иштирокчии дигар аз Тоҷикистон соҳиби дипломи ин бозиҳо шуданд.

Таъкид мегардад, ки дар Бозиҳои 18-уми Делфии ҷавонони кишварҳои аъзои ИДМ ва Бозиҳои 3-юми арктикии Делфи 40 коршинос ва 620 ҳунарманд ширкат доштанд. Намояндагони кишварҳои иштирокдошта барои 28 ҷоиза - медалҳои тилло, нуқра ва биринҷӣ аз рӯи 10 номинатсия ҳунарнамоӣ намуданд.

Дар ин чорабинӣ намояндагон аз Федератсияи Русия, ҷумҳуриҳои Тоҷикистон, Озарбойҷон, Арманистон, Беларус, Қазоқистон, Қирғизистон, Узбекистон, Бенин, Мисри Араб, Ҳиндустон, Эрон ва Чин иштирок доштанд.