Имрӯз - 31 июл дар ҷараёни нишасти матбуотии Донишкадаи давлатии фарҳанг ва санъат иттилоъ дода шуд, ки то имрӯз 40 фоизи нақшаи қабули довталабон ба Донишкада иҷро гардидааст.

Маҳмуд Назарзода, ректори донишкада, иброз дошт, ки қабули ҳуҷҷатҳои довталабон то санаи 6 август идома хоҳад кард.

"Довталабон ба тамоми ихтисосҳо таваҷҷуҳ доранд, махсусан дар риштаҳои рӯзноманигорӣ (журналистика) ва китобдорӣ шумораи довталабон зиёд аст" , — таъкид кард Назарзода.

Ба гуфтаи ӯ, дар даври баъдӣ нақшаи қабул пурра иҷро хоҳад шуд.

Ҳамзамон, ректор иттилоъ дод, ки дар Донишкада шаш ихтисоси нав дар самти омӯзгорӣ таъсис дода шудааст, ки дар оянда барои таъмини соҳаҳои фарҳанг ва санъат бо мутахассисони соҳибкасб мусоидат хоҳад кард.

Гулафшон КАРИМОВА, “ҶТ”