Аз 1 то 5 ноябр дар шаҳри Душанбе Ҷашнвораи чаҳоруми филмҳои фаронсавӣ барпо мешавад, ки дар он филмҳои ҳунарӣ, мустанад, аниматсионӣ, мазҳакавӣ ва драмавии муосир бо зернависҳои русӣ ба забони фаронсавӣ ба намоиш гузошта хоҳад шуд.

Созмондиҳандагони фестивал Сафорати Ҷумҳурии Фаронса дар Ҷумҳурии Тоҷикистон ва Маркази фарҳангии “Бохтар” мебошанд.

Ҷашнвораи филмҳои фаронсавӣ дар Душанбе 1 ноябр бо намоиши филми “Мисли шер”, ки давомнокияш 1 соату 42 дақиқаро дар бар мегирад, оғоз мегардад. Филм аз ҳаёти писарчаи 15-солае бо номи Митри бозгӯӣ мекунад.

Дар рӯзи дуюми фестивал намоиши филми -и коргардон Бруно Мерле дар назар аст. Ин филм дар бораи як оилаи ғайримуқаррарист. Ҳамсарон бо Томмӣ, як духтараки якрав ба сар мебаранд.

Дар намоишҳои баъдии фестивал филмҳои ҳунарии “Хушбахтӣ” (“Felicitа”), “Афсонаҳои шабона” (“Les Contes de la Nuit”), “Ҳимояи фарзанд” (“Jusquа la garde”) ва филми тасвирии “Дар ҷустуҷӯи занони ошпаз” (“A la recherche des femmes chefs”) пешкаши ҳаводорони синамо гардонида мешавад.

А. ПАЙВАНД, “ҶТ”