15 октябр соати 18:00 бахшида ба Рӯзи кинои тоҷик дар кинотеатри “Ватан” бо иштироки собиқадорони соҳа, мутахассисон, киношиносону зиёиён, намояндагони васоити ахбори омма ва ходимони давлатию сиёсӣ чорабинии фарҳангӣ баргузор мегардад.

Дар ин бора маъмурияти муассисаи давлатии “Тоҷикфилм” иттилоъ додааст.

Ба таъкиди манбаъ дар назар аст, ки дар ин чорабинӣ маҷмӯаи тиллоии кинои тоҷик муаррифӣ шуда, чанде аз собиқадорон ва синамогарони ватанӣ қадрдонӣ гарданд.

Дар идома филми кӯтоҳи ҳунарии “Додараки фариштаҳо”- и коргардон Умед Мирзоширинов манзури тамошобинон хоҳад шуд.