Соли 2025 105 нафар хатмкардаи Донишкадаи давлатии фарҳанг ва санъати Тоҷикистон ба номи Мирзо Турсунзода дар муассисаҳои фарҳангӣ ва муассисаҳои таҳсилоти миёнаи умумии шаҳру ноҳияҳо бо ҷойи кор таъмин гаштаанд, ки ин ҳудуди 30% хатмкунандагонро ташкил медиҳад.

Дар ин бора имрӯз – 3 феврал Маҳмуд Назарзода, ректори Донишкада зимни нишасти хабарӣ иттилоъ дод.

Бу гуфтаи ректор дар соли 2025 358 нафар Донишкадаро аз рӯи зинаи бакалавр хатм карда, ҳудуди 30% хатмкунандагон бо ҷойи кор таъмин шудаанд.

Инчунин, гуфта шуд, ки аз миёни хатмкунандагон 15 нафар Донишкадаро бо дипломи аъло хатм намудаанд. Дар зинаи магистратура бошад, теъдоди хатмкунандагон дар ин сол ба 17 нафар расидааст.

Зикр гардид, ки айни ҳол дар Донишкада аз рӯйи 12 ихтисос магистрант, аз рӯйи 6 ихтисос унвонҷӯ, аз рӯйи 7 ихтисос докторант (PhD) ва аз рӯйи 5 ихтисос аспирант қабул карда мешавад. Имсол довталабон аз рӯйи 30 ихтисос дар бахшҳои рӯзона, фосилавӣ ва ғоибона ба Донишкада қабул гардиданд.

Малика МУҚАДДАМОВА, "ҶТ"