ФАРҲАНГ
Чоршанбе 24 Апрел 2024 03:41
Соли гузашта миёни Муассисаи давлатии “Тоҷикфилм” ва Агентии кинематографияи Ӯзбекистон ёддошти ҳамкорӣ ба имзо расид. Дар ҳошияи он Тоҷикистону Ӯзбекистон нақша доранд, филмҳои муштарак ба навор гиранд. Яке аз онҳо филми “Ситораи ноаён” мебошад, ки ба зудӣ наворгирии он расман шурӯъ хоҳад шуд. “Ситораи ноаён” бо коргардонии Муҳаббат Сатторӣ ва аз рӯи филмномаи Бахтиёр Каримов таҳия мегардад. “Ситораи ноаён” чиро фаро мегирад, корҳои омодагӣ дар кадом сатҳ аст ва мо чиро аз ин филм мунтазир хоҳем буд? Бо ин суолҳо аз суҳбат бо коргардони филм Муҳаббат Сатторӣ посух гирифтем, ки дар зер пешниҳоди шумост.
- “Ситораи ноаён” симои киро аён месозад?
- Дар само ситораҳо зиёданд. Аммо миёни онҳо ситорае ҳаст бо номи Суҳайл. Чун аз аввал ин ситора барои ман ҷолиб буд, дар борааш зиёд омӯхтам. Дар натиҷа бароям маълум гардид, ки Суҳайл танҳо наздики субҳ, ҳангоми равшан шудани осмон сахт ҷило медиҳаду нопадид мешавад. Аз ин ҷо гирифта шуд номи филм. Ба андешаи ман ҳар асари бадеӣ ҳар офаридаи назмӣ ва ҳар филмнома низ бояд бо номи худ мувофиқ бошад ва ҳатман он ном барои ҳар хонандаю шунавандаю бинанда ҷолиб бошад. Ман низ ҳамеша болои номгузории филмҳоям зиёд меандешам.
Ситораи ноаёни филми мо наврасест бо номи Суҳайл, ки дунёи рангину пурхаёлоте дорад. Ӯ ҳам рассом аст, ҳам майл дорад ба соҳаи нуҷумшиносӣ. Дар ин дунёи рангини ӯ лаҳзаҳои ҷолиби зиёде рух медиҳад. Мо дар филм талош кардем, олами ҳамин духтарчаро кашф кунем. Ҳамчунин як қатор норасоиҳои ҷомеаро низ ба миён гузорем.
- Ба тавлиди чунин идея чӣ мӯҷиб шуд?
- Духтари ман Суҳайл ҳанӯз аз оғози ба филмофарӣ рӯ овардани ман дар канорам буд. Соли 2007 ҳангоми банаворгирии филми аввалинам “Пайванди шикаста” ӯ се сол дошт. Аммо дар майдони филм бо мо буд. Дар панҷсолагӣ аллакай дар филми бачагонаи “Зарандуд” нақш офарид. Ҳамин тавр, бо таъсири муҳити эҷодӣ Суҳайл ба дунёи синамо ворид гардида, худро ҳамеша дар филмҳо дидан мехост. Навиштани чунин филмнома низ хости ӯ буд. Яъне пайваста аз ман хоҳиш мекард, ки як нақшеро дар филме барои ӯ офарам. Ин хоҳиши ӯ маро низ водор сохт, то вобаста ба дунёи ҳамин гуна наврасони хушзавқу зебодид низ чизе таҳия созем. Шурӯи ин идея аз ҳамин ҷост. Баъдан ман тарҳи идеяи таҳияи чунин филмро ба филмноманависи тоҷик Бахтиёр Каримов, ки ҳоло дар Русия зиндагӣ мекунад, пешниҳод кардам. Ҳамин тавр, мо дар якҷоягӣ филмномаро навиштем. Аллакай ҳафт сол шуд, ки ман болои ин идея кор мекунам.
- Чӣ гуна “Ситораи ноаён” ба чашми синамогарони ӯзбекистонӣ ҷило доду интихоб шуд?
- Аслан банаворбардории ин филм бояд моҳи июни соли сипаришуда, баъд аз гузаронидани кастинг ва интихоби мавзеъҳои наворбардорӣ оғоз мегардид. Аммо ман хостам, ки дар яке аз саҳнаҳои ин филм мактаббачаҳо аз расадхонаи Улуғбек, ки дар шаҳри бостонии Самарқанд ҷойгир аст, дидан намоянд. Аммо барои ин моро бемории сироятии COVID-19 ва набудани баъзе аз имконот маҳдуд мекард. Баъдан рӯзҳои синамои Ӯзбекистон дар Тоҷикистон доир гардид. Дар ҳамин ҳангом, вақте намояндагони Агентии кинематографияи Ӯзбекистон ба роҳбарияти муассисаи давлатии “Тоҷикифилм” пешниҳоди ҳамкорӣ намуданд, аз ин ҷониб якчанд сенарияи филм ба онҳо нишон дода мешавад. Аз ин миён онҳо сенарияи филми “Ситораи ноаён”-ро меписанданд. Ҳамон замон ба ман занг заданд ва ин хабарро расонидаю аз ман анҷом додани чӣ мақсаду ҳадафҳоро ҳамчун коргардон дар идомаи филм пурсон шуданд. Баъдан мо бо директори генералии Агентии кинематографияи Ӯзбекистон мулоқот карда, доир ба таҳияи ин филм пешниҳодҳо намудем.
Аз 15 то 23 декабри соли 2021 мо барои интихоби мавзеъҳо ба шаҳрҳои Тошканд, Бухоро Самарқанд сафар кардем. Дар ин рӯзҳо шӯрои бадеии директорҳои филмҳои Иттиҳоди Давлатҳои Мустақил баргузор шуд. Дар он шӯро низ миёни чандин сенария “Ситораи ноаён” интихоб гардида, барои оғози кор расман фармон баромад. Вобаста ба таклифу пешниҳодҳои тарафайн аъзои гурӯҳи кории моро намояндагони ду давлат ташкил мекунанд.
- Нақшҳои марказӣ соҳибони худро дар-ёфтанд. Аммо кастинг чӣ гуна чеҳраҳоро кашф кард?
- Бале, офарандагони нақшҳои асосии ин филм ҳунармандон Моҳпайкар Ёрова, Обид Назаров ва Суҳайл Мирзоватанзодаро ман ҳанӯз аз оғози таҳияи он интихоб намудам. Аммо баъди оғози ҳамкорӣ бо Ӯзбекистон мо қисме аз офарандагони нақшҳоро аз ин кишвар интихоб намудем. Кастингҳои мо дар Ӯзбекистон низ доир гардид. Вале ман ҳамчун коргардон-таҳиягар баъзе аз иҷрокунандагони нақшҳоро тасодуфӣ интихоб намудам. Масалан, дар яке аз рӯзҳои дар Ӯзбекистон буданамон мо куҷое шитобон мерафтем, ки садое аз пуштамон баланд шуду аз мо пурсид, ки шумо тоҷик ҳастед? Ман ҷонибаш нигоҳ кардам, ки марди қоматбаланде бо чашмони сабзи ба худ хосе рост истодааст. Ҳамон замон дар дил гуфтам, ки ин мард бояд нақши Улуғбекро дар филм бозад. Наворбардорро таъкид кардам, ки зуд аксашро гирад. Рӯзи дигар ҳангоми иштирок дар чорабиние бо як марди дигар вохӯрдам, ки дар қатори пеш аз мо менишаст. Акси ӯро низ гирифтем. Чун ман дар симои ӯ офарандаи нақши падари Суҳайл - Баҳром дар филми “Ситораи ноаён”-ро дидам. Яъне ман аз кастинг дида бештар аз лаҳзаҳои тасодуфӣ ҳунармандонро интихоб намудам.
- Офаридани филм бо синамогарони хориҷӣ дорои чӣ бартариятҳост?
- Албатта, дар ҳамкории ду давлат таҳия намудани филм бисёр хубиҳо дорад. Барои мо, офарандагони филми “Ситораи ноаён” низ ин ҳамкорӣ осонкунандаи чандин мушкилиҳо гардид. Масалан, мо мехостем ҳамон саҳнае, ки дар он мактаббачаҳое, ки аъзои маҳфили нуҷумшиносӣ ҳастанд ва аз расадхонаи Улуғбек дидан мекунанд, дар ҳамон расадхона дар шаҳри Самарқанд ба навор гирифта шавад. Аммо ба ин имкон камтар буд. Аз ин рӯ, мо маҷбур шудем ба ҳамон расадхона монанд ҷойҳои таърихиро аз ватани худамон ҷустуҷӯ кунем. Ҳамкории мо имкон дод, то ин мушкиламон низ бартараф гардад. Ҳамчунин дар рафти баррасии филмнома аз ҷониби Агентии кинематографияи Ӯзбекистон дар филм ба таърих рӯ овардан пешниҳод шуд, ки барои ман низ писанд омад. Яъне дар саҳнае дар хоби Суҳайл ҳамон асри бунёди расадхонаи Улуғбекро мебинем. Фикр мекунам, илова шудани қисмати таърихӣ дар филм онро диданитар хоҳад кард.
Ҳамчунин, мутахассисони варзида аз ҳарду кишвар ҷалб гардидаанд, ки ин ҳам ба беҳбудии кор мусоидат мекунад. Барои мо ва бинандагон низ ҷолиб хоҳад буд нақшофарии ҳунармандони ду кишвар дар як филм.
- Филмҳои шумо ба фестивалҳо кам пешниҳод мешаванд. Аммо “Тоҷикфилм” аз “Ситораи ноаён” дастовардеро мунтазир буда метавонад?
- Ростӣ, ман аз он коргардонҳое ҳастам, ки худ барои ҷоиза талош намекунам. Зеро ҳар филмро худи ҳамон тими эҷодӣ ба фестивалҳо пешниҳод менамояд. Аммо барои ман муҳим тамошобин доштани филмҳоям дар дохили кишвар аст. Яъне як нафар вақте то анҷоми филм бодиққат менишинаду тамошо карда, барои худ чизе бардошт мекунад. Фикр мекунам, аввалан мо бояд қонеъкунандаи хоҳишҳои мардуми худ бошем. Бо вуҷуди ин чанде аз филмҳоям бо пешниҳоду талошҳои дигарон иштирокдори фестивалҳо буданд. Филми “Ситораи ноаён”-ро низ дар ҳамон шӯрои бадеии директорони филмҳои Иттиҳоди Давлатҳои Мустақил барои иштирок дар чанд фестивалҳо тавсия карда, зудтар таҳия сохтани онро низ таъкид карданд.
- “Ситораи ноаён” барои дурахшон шудан дар самои синамо бо чӣ мушкилот мувоҷеҳ аст?
- Ҳоло бо мушкиле рӯ ба рӯ нестем ва умедворем дар оянда низ намешавем. Чунки маблағгузорӣ аз ҷониби Муассисаи давлатии “Тоҷикфилм” ва Агентии кинематографияи Ӯзбекистон дар сатҳи хуб ба нақша гирифта шудааст. Мо бо истифода аз тамоми ин имконот болои мукаммал сохтани филмнома корро анҷом дода истодаем. Гурӯҳи корӣ аз Ӯзбекистон қарор аст охирҳои моҳи январ ба Тоҷикистон барои ошно шудан ба мавзеъҳои интихобнамудаи мо барои наворбардорӣ ташриф оваранд. Баъдан моҳҳои апрел ё май мо ба наворбардории филм расман шурӯъ хоҳем кард.
- Ҳамкориҳои “Тоҷикфилм” бо Агентии кинематографияи Ӯзбекистон дар синамои тоҷик боз чӣ падидаҳоро намудор хоҳад кард?
- Ҳамкории дуҷониба ба таҳияи чандин филмҳои хуб мусоидат хоҳад намуд. Вобаста ба имзои ёддошти ҳамкорӣ дар нақша аст, ки миёни Муассисаи давлатии “Тоҷикфилм” ва Агентии кинематографияи Ӯзбекистон филми ҳунарии “Ҷомӣ ва Навоӣ” офарида шавад, ки фикр мекунам беҳтарин падида дар соҳаи синамои ду кишвар хоҳад шуд. Гурӯҳи корӣ аллакай корро болои сенарияи ин филм шурӯъ кардаанд. Умедворем дар солҳои минбаъда низ ин ҳамкориҳо густариш меёбад ва барои мо - коргардонҳо низ имкони таҳияи филмҳои хубтар бештар мегардад.
ҲОЛНОМА: Муҳаббат Сатторӣ - коргардони Муассисаи давлатии “Тоҷикфилм”. Директори Ширкати филмбардории “Суҳайл-Синамо”. Коргардон-таҳиягари филмҳои “Пайванди шикаста” (соли 2007), “Падруду пайғом” (соли 2008), “Афсонаи хоб” (соли 2009), “Заррандуд” (солҳои 2010-2011), “Як ҷаҳон аз ману ту”(солҳои 2013-2014), “Маро бубахш” (соли 2016), “Бархез модар”(продюссер, соли 2017), “Кохи нур” (соли 2019), “90-соли кинои тоҷик”, “Рақси зиндагӣ” (соли 2019).
Аълочии фарҳанг, телевизион ва радио ва кинематографияи Тоҷикистон буда, ҳамчунин Корманди шоистаи Тоҷикистон аст.
- “Ситораи ноаён” симои киро аён месозад?
- Дар само ситораҳо зиёданд. Аммо миёни онҳо ситорае ҳаст бо номи Суҳайл. Чун аз аввал ин ситора барои ман ҷолиб буд, дар борааш зиёд омӯхтам. Дар натиҷа бароям маълум гардид, ки Суҳайл танҳо наздики субҳ, ҳангоми равшан шудани осмон сахт ҷило медиҳаду нопадид мешавад. Аз ин ҷо гирифта шуд номи филм. Ба андешаи ман ҳар асари бадеӣ ҳар офаридаи назмӣ ва ҳар филмнома низ бояд бо номи худ мувофиқ бошад ва ҳатман он ном барои ҳар хонандаю шунавандаю бинанда ҷолиб бошад. Ман низ ҳамеша болои номгузории филмҳоям зиёд меандешам.
Ситораи ноаёни филми мо наврасест бо номи Суҳайл, ки дунёи рангину пурхаёлоте дорад. Ӯ ҳам рассом аст, ҳам майл дорад ба соҳаи нуҷумшиносӣ. Дар ин дунёи рангини ӯ лаҳзаҳои ҷолиби зиёде рух медиҳад. Мо дар филм талош кардем, олами ҳамин духтарчаро кашф кунем. Ҳамчунин як қатор норасоиҳои ҷомеаро низ ба миён гузорем.
- Ба тавлиди чунин идея чӣ мӯҷиб шуд?
- Духтари ман Суҳайл ҳанӯз аз оғози ба филмофарӣ рӯ овардани ман дар канорам буд. Соли 2007 ҳангоми банаворгирии филми аввалинам “Пайванди шикаста” ӯ се сол дошт. Аммо дар майдони филм бо мо буд. Дар панҷсолагӣ аллакай дар филми бачагонаи “Зарандуд” нақш офарид. Ҳамин тавр, бо таъсири муҳити эҷодӣ Суҳайл ба дунёи синамо ворид гардида, худро ҳамеша дар филмҳо дидан мехост. Навиштани чунин филмнома низ хости ӯ буд. Яъне пайваста аз ман хоҳиш мекард, ки як нақшеро дар филме барои ӯ офарам. Ин хоҳиши ӯ маро низ водор сохт, то вобаста ба дунёи ҳамин гуна наврасони хушзавқу зебодид низ чизе таҳия созем. Шурӯи ин идея аз ҳамин ҷост. Баъдан ман тарҳи идеяи таҳияи чунин филмро ба филмноманависи тоҷик Бахтиёр Каримов, ки ҳоло дар Русия зиндагӣ мекунад, пешниҳод кардам. Ҳамин тавр, мо дар якҷоягӣ филмномаро навиштем. Аллакай ҳафт сол шуд, ки ман болои ин идея кор мекунам.
- Чӣ гуна “Ситораи ноаён” ба чашми синамогарони ӯзбекистонӣ ҷило доду интихоб шуд?
- Аслан банаворбардории ин филм бояд моҳи июни соли сипаришуда, баъд аз гузаронидани кастинг ва интихоби мавзеъҳои наворбардорӣ оғоз мегардид. Аммо ман хостам, ки дар яке аз саҳнаҳои ин филм мактаббачаҳо аз расадхонаи Улуғбек, ки дар шаҳри бостонии Самарқанд ҷойгир аст, дидан намоянд. Аммо барои ин моро бемории сироятии COVID-19 ва набудани баъзе аз имконот маҳдуд мекард. Баъдан рӯзҳои синамои Ӯзбекистон дар Тоҷикистон доир гардид. Дар ҳамин ҳангом, вақте намояндагони Агентии кинематографияи Ӯзбекистон ба роҳбарияти муассисаи давлатии “Тоҷикифилм” пешниҳоди ҳамкорӣ намуданд, аз ин ҷониб якчанд сенарияи филм ба онҳо нишон дода мешавад. Аз ин миён онҳо сенарияи филми “Ситораи ноаён”-ро меписанданд. Ҳамон замон ба ман занг заданд ва ин хабарро расонидаю аз ман анҷом додани чӣ мақсаду ҳадафҳоро ҳамчун коргардон дар идомаи филм пурсон шуданд. Баъдан мо бо директори генералии Агентии кинематографияи Ӯзбекистон мулоқот карда, доир ба таҳияи ин филм пешниҳодҳо намудем.
Аз 15 то 23 декабри соли 2021 мо барои интихоби мавзеъҳо ба шаҳрҳои Тошканд, Бухоро Самарқанд сафар кардем. Дар ин рӯзҳо шӯрои бадеии директорҳои филмҳои Иттиҳоди Давлатҳои Мустақил баргузор шуд. Дар он шӯро низ миёни чандин сенария “Ситораи ноаён” интихоб гардида, барои оғози кор расман фармон баромад. Вобаста ба таклифу пешниҳодҳои тарафайн аъзои гурӯҳи кории моро намояндагони ду давлат ташкил мекунанд.
- Нақшҳои марказӣ соҳибони худро дар-ёфтанд. Аммо кастинг чӣ гуна чеҳраҳоро кашф кард?
- Бале, офарандагони нақшҳои асосии ин филм ҳунармандон Моҳпайкар Ёрова, Обид Назаров ва Суҳайл Мирзоватанзодаро ман ҳанӯз аз оғози таҳияи он интихоб намудам. Аммо баъди оғози ҳамкорӣ бо Ӯзбекистон мо қисме аз офарандагони нақшҳоро аз ин кишвар интихоб намудем. Кастингҳои мо дар Ӯзбекистон низ доир гардид. Вале ман ҳамчун коргардон-таҳиягар баъзе аз иҷрокунандагони нақшҳоро тасодуфӣ интихоб намудам. Масалан, дар яке аз рӯзҳои дар Ӯзбекистон буданамон мо куҷое шитобон мерафтем, ки садое аз пуштамон баланд шуду аз мо пурсид, ки шумо тоҷик ҳастед? Ман ҷонибаш нигоҳ кардам, ки марди қоматбаланде бо чашмони сабзи ба худ хосе рост истодааст. Ҳамон замон дар дил гуфтам, ки ин мард бояд нақши Улуғбекро дар филм бозад. Наворбардорро таъкид кардам, ки зуд аксашро гирад. Рӯзи дигар ҳангоми иштирок дар чорабиние бо як марди дигар вохӯрдам, ки дар қатори пеш аз мо менишаст. Акси ӯро низ гирифтем. Чун ман дар симои ӯ офарандаи нақши падари Суҳайл - Баҳром дар филми “Ситораи ноаён”-ро дидам. Яъне ман аз кастинг дида бештар аз лаҳзаҳои тасодуфӣ ҳунармандонро интихоб намудам.
- Офаридани филм бо синамогарони хориҷӣ дорои чӣ бартариятҳост?
- Албатта, дар ҳамкории ду давлат таҳия намудани филм бисёр хубиҳо дорад. Барои мо, офарандагони филми “Ситораи ноаён” низ ин ҳамкорӣ осонкунандаи чандин мушкилиҳо гардид. Масалан, мо мехостем ҳамон саҳнае, ки дар он мактаббачаҳое, ки аъзои маҳфили нуҷумшиносӣ ҳастанд ва аз расадхонаи Улуғбек дидан мекунанд, дар ҳамон расадхона дар шаҳри Самарқанд ба навор гирифта шавад. Аммо ба ин имкон камтар буд. Аз ин рӯ, мо маҷбур шудем ба ҳамон расадхона монанд ҷойҳои таърихиро аз ватани худамон ҷустуҷӯ кунем. Ҳамкории мо имкон дод, то ин мушкиламон низ бартараф гардад. Ҳамчунин дар рафти баррасии филмнома аз ҷониби Агентии кинематографияи Ӯзбекистон дар филм ба таърих рӯ овардан пешниҳод шуд, ки барои ман низ писанд омад. Яъне дар саҳнае дар хоби Суҳайл ҳамон асри бунёди расадхонаи Улуғбекро мебинем. Фикр мекунам, илова шудани қисмати таърихӣ дар филм онро диданитар хоҳад кард.
Ҳамчунин, мутахассисони варзида аз ҳарду кишвар ҷалб гардидаанд, ки ин ҳам ба беҳбудии кор мусоидат мекунад. Барои мо ва бинандагон низ ҷолиб хоҳад буд нақшофарии ҳунармандони ду кишвар дар як филм.
- Филмҳои шумо ба фестивалҳо кам пешниҳод мешаванд. Аммо “Тоҷикфилм” аз “Ситораи ноаён” дастовардеро мунтазир буда метавонад?
- Ростӣ, ман аз он коргардонҳое ҳастам, ки худ барои ҷоиза талош намекунам. Зеро ҳар филмро худи ҳамон тими эҷодӣ ба фестивалҳо пешниҳод менамояд. Аммо барои ман муҳим тамошобин доштани филмҳоям дар дохили кишвар аст. Яъне як нафар вақте то анҷоми филм бодиққат менишинаду тамошо карда, барои худ чизе бардошт мекунад. Фикр мекунам, аввалан мо бояд қонеъкунандаи хоҳишҳои мардуми худ бошем. Бо вуҷуди ин чанде аз филмҳоям бо пешниҳоду талошҳои дигарон иштирокдори фестивалҳо буданд. Филми “Ситораи ноаён”-ро низ дар ҳамон шӯрои бадеии директорони филмҳои Иттиҳоди Давлатҳои Мустақил барои иштирок дар чанд фестивалҳо тавсия карда, зудтар таҳия сохтани онро низ таъкид карданд.
- “Ситораи ноаён” барои дурахшон шудан дар самои синамо бо чӣ мушкилот мувоҷеҳ аст?
- Ҳоло бо мушкиле рӯ ба рӯ нестем ва умедворем дар оянда низ намешавем. Чунки маблағгузорӣ аз ҷониби Муассисаи давлатии “Тоҷикфилм” ва Агентии кинематографияи Ӯзбекистон дар сатҳи хуб ба нақша гирифта шудааст. Мо бо истифода аз тамоми ин имконот болои мукаммал сохтани филмнома корро анҷом дода истодаем. Гурӯҳи корӣ аз Ӯзбекистон қарор аст охирҳои моҳи январ ба Тоҷикистон барои ошно шудан ба мавзеъҳои интихобнамудаи мо барои наворбардорӣ ташриф оваранд. Баъдан моҳҳои апрел ё май мо ба наворбардории филм расман шурӯъ хоҳем кард.
- Ҳамкориҳои “Тоҷикфилм” бо Агентии кинематографияи Ӯзбекистон дар синамои тоҷик боз чӣ падидаҳоро намудор хоҳад кард?
- Ҳамкории дуҷониба ба таҳияи чандин филмҳои хуб мусоидат хоҳад намуд. Вобаста ба имзои ёддошти ҳамкорӣ дар нақша аст, ки миёни Муассисаи давлатии “Тоҷикфилм” ва Агентии кинематографияи Ӯзбекистон филми ҳунарии “Ҷомӣ ва Навоӣ” офарида шавад, ки фикр мекунам беҳтарин падида дар соҳаи синамои ду кишвар хоҳад шуд. Гурӯҳи корӣ аллакай корро болои сенарияи ин филм шурӯъ кардаанд. Умедворем дар солҳои минбаъда низ ин ҳамкориҳо густариш меёбад ва барои мо - коргардонҳо низ имкони таҳияи филмҳои хубтар бештар мегардад.
ҲОЛНОМА: Муҳаббат Сатторӣ - коргардони Муассисаи давлатии “Тоҷикфилм”. Директори Ширкати филмбардории “Суҳайл-Синамо”. Коргардон-таҳиягари филмҳои “Пайванди шикаста” (соли 2007), “Падруду пайғом” (соли 2008), “Афсонаи хоб” (соли 2009), “Заррандуд” (солҳои 2010-2011), “Як ҷаҳон аз ману ту”(солҳои 2013-2014), “Маро бубахш” (соли 2016), “Бархез модар”(продюссер, соли 2017), “Кохи нур” (соли 2019), “90-соли кинои тоҷик”, “Рақси зиндагӣ” (соли 2019).
Аълочии фарҳанг, телевизион ва радио ва кинематографияи Тоҷикистон буда, ҳамчунин Корманди шоистаи Тоҷикистон аст.
Хабарҳои дигар
Рӯзнома
Эзоҳи худро нависед