Дар шаҳри Душанбе аз 11 то 14 октябр Фестивали байналмилалии “Чакан” доир мегардад.

Фестивали мазкур бо ташаббуси Кумитаи рушди сайёҳии назди Ҳукумати Ҷумҳурии Тоҷикистон дар ҳамбастагӣ бо Мақомоти иҷроияи ҳокимияти давлатии шаҳри Душанбе ва Иттифоқи ҳунармандони Тоҷикистон бахшида ба “Соли рушди сайёҳӣ ва ҳунарҳои мардумӣ” гузаронида шуда, дар он 100 нафар ҳунармандон аз тамоми минтақаҳои Тоҷикистон ва кишварҳои хориҷ ширкат менамоянд.

Фестивал бо мақсади рушди ҳунарҳои мардумӣ доир гардида, дар доираи фестивал намоиш - фурӯши маҳсулоти дастии ҳунармандон ва суҳбату вохӯриҳо бо иштироки ҳунармандони кишвар дар назар аст.