Раиси Кумитаи телевизион ва радиои назди Ҳукумати Ҷумҳурии Тоҷикистон Нуриддин Саид, имрӯз зимни нишасти матбуотӣ иброз намуд, ки дар солҳои соҳибистиқлолӣ бо дастгирии бевоситаи роҳбарияти олии Ҳукумати  Ҷумҳурии Тоҷикистон дар кишвар 7 шабакаи телевизионӣ ва 4 шабакаи радиои давлатӣ таъсис дода шуданд. 

Гуфта шуд, ки ҳоло дар Ҷумҳурии Тоҷикистон 93 ташкилоти телевизиониву радиоӣ ва студияҳои истеҳсоли маҳсулоти аудиовизуалӣ фаъолият менамоянд. Аз ин шумора 13 телевизиони давлатӣ, 10 радиои давлатӣ, 20 телевизиони хусусӣ, 23 радиои хусусӣ, 13 телевизиони ноқилӣ, 1 телевизиони АйПи (IP) ва 13 студияи истеҳсоли маҳсулоти аудиовизуалӣ мебошанд, ки ҳама шабакаҳо хуб фаъолият мекунанд. 

Ҳамчунин гуфта шуд, айни замон Кумита бо мақсади боз ҳам беҳтар намудани сатҳу сифати барномаҳои телевизиониву радиоӣ бо 15 вазорату идора ва сохторҳои соҳаи телевизион ва радиои кишварҳои хориҷӣ ҳамкорӣ дорад.