Раёсати ҷавонон, варзиш ва сайеҳии вилояти Хатлон бахшида ба "Соли ҷавонон" дар осорхонаи таъриху кишваршиносии вилоят ба номи "Авасто" фестивал-озмуни вилоятии рассомони ҷавон таҳти унвони "Тоҷикистон- кишвари афсункор"-ро доир намуд.

Дар озмуни мазкур наврасону ҷавонони мактаби расмосии шаҳри Қӯрғонтеппа, шаҳри Сарбанд, ноҳияи Бохтар ва ноҳияи Дӯстӣ иштирок намуда, мусаввараҳои тасвирнамудаи худро ба намоиш гузоштанд.

Азиз Азимов, муовини сардори раёсати ҷавонон, варзиш ва сайёҳии вилояти Хатлон ҳадаф аз баргузории Фестивал-озмуни мазкурро дарёфти истеъдодҳои нав, ҷалби таваҷҷуҳи наврасону ҷавонон ба соҳаи саёйҳӣ, муаррифии мавзеъҳои таърихию фарҳангӣ арзёбӣ намуд.

Дар расмҳои ба намоиш гузошташуда манзараҳои диёр, мавзеҳои таърихӣ ва обшору табиати баҳории кишвар, хусусан вилояти Хатлон мунъақис гардидааст.

Дар ҷамъбасти Фестивал Р. Абдурасулова, аз шаҳри Қӯрғонтеппа ҷойи якумро ишғол намуд. Н. Усмонова ва Р. Абдуллоева аз шаҳри Сарбанд ҷойи дуюм ва Н. Шамсулоева, аз ноҳияи Бохтар, М. Қурбонова, ноҳияи Дӯстӣ ва Юлдузӣ Р, аз шаҳри Қӯрғонтеппа мақомҳои сеюмро соҳиб шуда, ба даври ҷумҳуриявӣ роҳхат гирифтанд.

Умед Мирзоев, "ҶТ"