Дар китобхонаи вилоятии бачагонаи ба номи Аминҷон Шукӯҳии вилояти Суғд бахшида ба 25-солагии Истиқлолияти давлатии Тоҷикистон фестивали ҷумҳуриявии “Китоб ва мусиқӣ барои кӯдакон ва  наврасон” идома дорад.

Мақсади баргузории фестивалро директори китобхона Муаззам Расулова ҷалби бештари кӯдакону наврасон ба мутолиаи китоб, дар замири кӯдакон бедор намудани ҳисси зебоипарастӣ, ифтихори миллӣ ва ватандӯстии онҳо арзёбӣ намуд:
- Соли гузашта ба Китобхонаи бачагонаи ба номи Аминҷон Шукӯҳӣ аз тарафи Вазорати фарҳанги кишвар 112 адад китоб ва 457 адад маҷалла, ҳамзамон аз тарафи Раёсати фарҳанги вилоят 202 адад китоб ройгон тақдим карда шуд. Китобхона имрӯз дорои зиёда аз 70 ҳазор адабиёти бачагона мебошад. Теъдоди хонандагони китобхона аз ҳисоби кӯдакон ва наврасон 3 ҳазору 586 нафарро ташкил медиҳанд,-мегӯяд Муаззам Расулова, директори китобхона.

Фестивали ҷумҳуриявӣ тӯли як ҳафта, яъне аз 4 то 11 марти соли равон идома дорад.

Саодат ИСМОИЛӢ