Субҳи имрӯз – 19 сентябр, “Корвони дидор” – иборат аз модарони сарбозону афсарони хатлоние, ки фарзандонаш дар сафи Артишии миллии кишвар дар ҳудуди Вилояти Мухтори Кӯҳистони Бадахшон хизмат мекунанд, ба ВМКБ сафар карданд. Дар ин хусус рӯзномаи “Хатлон” хабар дод.

Иттилоъ дода мешавад, ки иқдоми мазкур аз ҷониби Раёсати кор бо ҷавонон ва варзиши вилояти Хатлон бо дастгирии раиси вилояти Хатлон Давлаталӣ Саид роҳандозӣ гардидааст. Мақсади иқдомро аз наздик ошноӣ пайдо кардани модарон аз шароити хизмати сарбозон дар қисмҳои ҳарбии ВМКБ унвон додаанд.

Бояд ёдовар шуд, ки гурӯҳи модарони сарбозону афсарони хатлонӣ чанде пеш бо мақсади аз ҳолу аҳволи фарзандони худ хабар гирифтан, ба вилояти Суғд низ сафар намуда буданд.

Ҷасури ҚИЁМИДДИН, “ҶТ”