Шоми 1-уми март дар Кохи "Ҷомӣ"-и пойтахт дар ҳошияи Ҳамоиши адибони ҳавзаи Наврӯз маҳфили шеъру суруди шоири шинохта Давлат Сафар ва ҳунармандони маҳбуби кишвар Ҷамшед Исмоилов, Лутфуллои Давлат, Исроил Файзиддинов, Сафар Раҳмон, Афзалшо Шодиев ва дигарон баргузор гардид.

Маҳфилро раиси Иттифоқи нависандагони Тоҷикистон Низом Қосим ифтитоҳ намуда, иброз дошт, ки баргузории чунин маҳфилҳо, ки бо дастгирии Ҳукумати Ҷумҳурии Тоҷикистон доир мегардад, барои баланд бардоштани завқу салиқаи бинандаҳои сершумор мусоидат хоҳад кард.