30-юми октябр дар кинотеатри “Ватан” нахустнамоиши филми ҳунарии “Танҳо ту” доир мегардад.

Дар ин хусус гурӯҳи фейсбукии “Тоҷикфилм” иттилоъ медиҳад.

Гуфта мешавад, ки филм дар жанри драмаи оилавӣ таҳия гардида, масоили иҷтимоӣ ва ишқу покизагиро тараннум намуда, инчунин дар раванди филмбардории он ҳунарпешаҳои касбию соҳибтаҷриба ҷалб гардидаанд.

Бояд гуфт, ки барои рӯи навор омадани филми мазкур гурӯҳи эҷодӣ дар ҳайати коргардон - таҳиягар Умедшоҳ Мирзоширинов, наворбардор - таҳиягар Шуҳрат Қурбонов, рассом Эраҷ Искандаров, директори филм Суҳроб Юсупов талош кардаанд.

Зимнан оғози намоиш соати 17:30 муайян шудааст.

Гулафшон КАРИМОВА, “ҶТ”