19 март, бо мақсади баланд бардоштани ҳисси ватандӯстӣ, меҳанпарастӣ, худогоҳии ҷавонон ва тарғибу ташвиқи анъанаҳои миллии Наврӯзи байналмилалӣ бо ташаббуси Раёсати кор бо ҷавонон ва варзиши вилояти Суғд дар Донишгоҳи давлати ҳуқуқ, бизнес ва сиёсати Тоҷикистон конференсияи вилоятӣ таҳти унвони “Наврӯз – мероси ниёгони мо” баргузор гардид.

Зикр карда шуд, ки Наврӯз дар Тоҷикистон ба шарофати истиқлолияти давлатӣ эҳё гардида, шукӯҳу шаҳомати тоза пайдо кард ва ба яке аз ҷашнҳои бузургу муқаддаси миллии мардуми тоҷик табдил ёфт. Қобили зикри махсус аст, ки ҷашни Наврӯз таърихи бисёр дерина дошта, ойини бедориву хушҳолӣ барои инсоният мебошад.

Дар фарҷоми конференсия ҷамъбасти озмуни вилоятӣ таҳти унвони “Беҳтарин расми Наврӯзӣ” доир гардида, ғолибони озмун ва иштирокчиёни фаъоли конференсияи вилоятӣ бо диплом ва тӯҳфаҳои хотиравӣ қадрдонӣ карда шуданд.