Муссисаи давлатии “Телевизиони Сафина” дар ҳамкорӣ бо шабакаҳои телевизионии ҷумҳуриҳои Қазоқистон, Ӯзбекистон, Озарбойҷон ва Қирғизистон имсол низ дар амалисозии фасли дуюми лоиҳа-озмуни байналмилалии “Central Asia’s Got Talent” (Осиёи Марказӣ истеъдод меҷӯяд) иштирок кард.

Дар ин бора Носир Сидов, директори муассисаи давлатии “Телевизиони Сафина” зимни нишасти хабарӣ иттилоъ дод.

Гуфта шуд, ки ҳадаф аз иштирок дар амалисозии лоиҳа-озмуни мазкур рушди фарҳангу ҳунар ва дарёфти истеъдодҳои нав, баланд бардоштани мақому нуфузи ҷумҳурӣ дар сатҳи байналмилалӣ мебошад.

Ҳамчунин зикр гардид, ки моҳи ноябр аз ҷониби “Телевизиони Сафина” барои дарёфти истеъдодҳо кастинг гузаронида шуда, беҳтаринҳо интихоб гардиданд.