25 ҳазору 96 адад туҳфаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон – китоби “Тоҷикон” ба сокинони ноҳияи Исмоили Сомонии шаҳри Душанбе тақсим карда шуд.

Дар ин бора Мақомоти иҷроияи ҳокимияти давлатии ноҳияи Исмоили Сомонӣ хабар медиҳад.

Аз ҷониби кормандони Мақомоти иҷроия гурӯҳи корӣ ташкил гардида, онҳо ин туҳфаро ба ҳар оила тақсим намуданд.

Гуфта шуд, ки ҳадафи асосии ин иқдоми нек шиносоӣ бо гузаштаи пурифтихори халқи тоҷик ва дар ин замина баланд бардоштани ҳисси худшиносии насли имрӯзу фардои миллат мебошад. Дастрас ва мутолиаи шоҳасари академик Бобоҷон Ғафуров рӯҳияи мардуми тоҷикро баланд карда, аз таърихи гузаштаи миллат ҳамагонро огоҳ мекунад.