ФАРҲАНГ
Ҷумъа 12 Август 2022 08:22
8784
Имрӯз адиб ва журналисти пуркор Умари Шерхон китоби тозанашри худ - “Султони кинои тоҷик”-ро ба китобхонаи “Ҷавонони Тоҷикистон” тақдим кард.

Китоб аз ҳаёт ва фаъолияти давлатӣ ва сиёсии арбоби намоёни сиёсиву ҷамъиятӣ Султон Мирзошоев ҳикоят карда, ба ҷашни 90 – солагии ӯ бахшида мешавад.

Тавре фарҳангшинос Маҳмадулло Табарӣ дар сарсухани китоб овардааст, асари мазкур аз зумраи он тадқиқоти ҳунарие нест, ки назари субъективии муҳаққиқро ба объекти тадқиқот дар бар бигирад.

- Он як навъ экскурси таърихӣ ба раванди рушди синамои миллист, ки дар мисоли худфидоиҳои марди сарсупурдаи ҳунар ва фарҳанги миллӣ, сиёсатмадори маъруф - Султон Мирзошоев матраҳ шудааст. Контексти умумии кинематографии пешниҳоднамудаи муаллиф ба консепсияи фалсафии ин ё он филми алоҳида бахшида нашуда, диққати хонандаро беихтиёр ба сӯи ҳаёти фарде мекашад, ки тақдири худро бо ҳунари дӯстдоштааш пайваста, дар ривоҷу равнақи он саҳми чашмгир ҳам мерасонад. Ҳамин тавр, мо ба овони наврасӣ ва ҷавонии Султон Мирзошоев баргашта, ҳамвора бо ӯ таҳти таъсири филмҳои муҳими замонаш ба камол мерасем ва баъд, мебинем, ки чӣ тавр таҳти роҳбарии ӯ синамои миллӣ ба қуллаҳои баланд мерасад. Ин далели муҳим бар тарафдорони он андешаест, ки як шахсият метавонад, ба раванди ҳунарӣ таъсири амиқ гузошта бошад,-илова кардааст, М. Табарӣ.

“ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Август 2022 c.