Абдураҳмон Қодирӣ, раиси вилояти Суғд аз санаи 23 ноябри соли 2016 қарор “Дар бораи таъсис додани маҳфили хушдилон ва ҳозирҷавобон байни муассисаҳои таҳсилоти олӣ ва миёнаи касбии вилоят”-ро ба тасвиб расонид.

Ин маҳфил бо мақсади тарғибу ташвиқи тарзи ҳаёти солим, пешгирӣ аз падидаҳои номатлуб, дастгирӣ ва ҳавасмандкунии ҷавонони эҷодкор ҳамчунин барои инкишофи маънавиёт ва фарҳанги ҷавонон таъсис дода мешавад.

Тибқи банди якуми қарор маҳфили хушдилон ва ҳозирҷавобон байни муассисаҳои таҳсилоти олӣ ва миёнаи касбии вилоят дар назди Раёсати ҷавонон, варзиш ва сайёҳии вилояти Суғд таъсис дода мешавад. Мутобиқ ба нақшаи чорабинии маҳфили хушдилон ва ҳозирҷавобон ин маҳфил то сентябри соли оянда баргузор мешавад ва ғолибонро мукофотпулӣ дар дар ҳаҷми 10 ҳазор сомонӣ, 5 ҳазор сомонӣ ва 3 ҳазор сомонӣ интизор аст.