Маҳмадсаид Шоҳиён, директори Муассисаи давлатии “Тоҷикфилм” имрӯз зимни нишасти хабарӣ гуфт, муассиса нақша дорад, ки дар оянда филмеро оид ба COVID-19 ба навор гирад.

Ӯ дар шарҳи ин андешааш гуфт: “Мо тасмим дорем, ки ин лаҳзаҳои пур аз таззоди зиндагиро ба навор гирем, филме офарем, ки бозгӯи ин беморӣ ва ҳолатҳои имрӯза бошад. Ба ҳамагон маълум аст, ки чӣ гуна коронавирус ба иқтисодиёти тамоми кишварҳо зарбаи ҷиддӣ зад. Мо барои офаридани филми “COVID-19” озмун барои қабули сенарияҳои ин филмро эълон мекунем ва хоҳишмандон метавонанд, сенарияҳои худро ба мо пешкаш намоянд. Дар ҳолати беҳтарин сенарияро ба даст овардан, мо сабти ин филмро шуруъ мекунем”.

Ба таъкиди Маҳмадсаид Шоҳиён дар ҳолати сабти ин филм он метавонад, Тоҷикистонро машҳури ҷаҳону соҳаи филмофариашро ба оламиён шинос намояд.