Муассисаи давлатии "Тоҷикфилм" дар соли 2025 7 филми ҳунарӣ таҳия кардааст, ки аз онҳо се филм дар якҷоягӣ бо киностудияҳои дигар кишварҳо наворбардорӣ шудааст.

Дар ин бора Маҳмадсаид Шоҳиён, директори "Тоҷикфилм" имрӯз - 30 январ зимни нишасти хабарӣ иттилоъ дод.

Ӯ гуфт, ҳамчунин, дар соли гузашта 7 филми мустанад, 2 филми кӯтоҳи ҳунарӣ ва 2 филми тасвирӣ низ аз ҷониби ин муассиса таҳия гаштааст.

- Дар соли 2025 дар маҷмӯъ 73 лоиҳаи филмнома дар "Питчинг" иштирок карданд, ки аз онҳо 24 лоиҳа аз тарафи Шурои бадеии муассиса барои наворбардорӣ тавсия дода шуда, 49 филмнома барои коркард ва баррасӣ дар Шурои бадеӣ қарор доранд, - гуфт Маҳмадсаид Шоҳиён, директори "Тоҷикфилм".

Сайёраи ҚИЁМИДДИН, “ҶТ”