ФАРҲАНГ
Сешанбе 21 Август 2018 07:47
4445
Шоми 29 май Муассисаи давлатии «Боғи Садриддин Айнӣ, ки имрўзҳо ба яке аз гўшаҳои дўстдоштанаи сокинони пойтахт мубаддал гаштааст, аз ҳар вақта боз ҳам серодам буд. Садҳо нафар сокинон, бахусус донишҷўён барои тамошои барнома-озмуни ҷумҳуриявии «Маҳфили зарифон» ба амфитеатри боғи мазкур ташриф оварда буданд…

Дар вақти муқарраргашта барандаи озмун маҳфилро оғоз бахшида, дастаҳои Донишкадаи тарбияи ҷисмонии Тоҷикистон ба номи С. Раҳимов ва Донишгоҳи давлатии омўзгории ш.Кўлоб ба номи А.Рўдакиро рўи саҳна даъъват намуд. Ҳайати доварон шартҳои озмунро эълон доштанд ва ҳайати дастаҳо бо иҷрои «Саломнома» барномаро оғоз намуданд. Ҳанўз аз иҷрои шарти аввал маълум гашт, ки ҳар ду даста ҳам ба барнома омодагии хуб дидаанд. Мазмуни баланди ғояи саломнома, маҳорати хуби суханварии иштирокчиён, ороиши мувофиқи саҳна, ҳазлҳои мақсадноку бомаврид, мавзўъҳои ҷолиб аз ҳаёти донишҷўён, ҳамзамон инъикоси дастовардҳои соҳа, ки муҳтавои асосии саломномаи ҳар ду дастаро ташкил медоданд, диққатҷалбкунандаву таъсирбахш буданд. Дар иҷрои шартҳои навбатии озмун –«Суруди ҳаҷвӣ» ва «Саҳначаи ҳаҷвӣ» низ дастаҳо маҳорати баланд нишон дода, ба баҳои баланди доварони озмун сазовор гаштанд. Шарти дигари озмун – «Тақлидкорӣ» низ писанди аҳли толор гардид. Он бо санъати баланд иҷро гардид. Дар иҷрои шарти «Саволу ҷавоб», ки зудҷавобиро тақозо менамуд, аъзои дастаҳо фаъол буданд. Умуман, аъзои дастаҳо бо ҳунари воло шартҳои озмунро иҷро намуда, хотири садҳо мухлисонро болида намуданд…

Ёдовар шудан бомаврид аст, ки чанд муддат қабл даври дуюми барнома-озмуни телевизионии ҷумҳуриявии «Маҳфили зарифон» бо ибтикори Вазорати маориф ва илм дар ҳамкорӣ бо Кумитаҳои телевизион ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо иштироки дастаҳои мактабҳои олии кишвар сурат гирифта буд. Қувваозмоии дастаҳои Донишкадаи тарбияи ҷисмонии Тоҷикистон ба номи С. Раҳимов ва Донишгоҳи давлатии омўзгории ш.Кўлоб ба номи А.Рўдакӣ дар даври сеюм сурат гирифт ва он бо бартарии дастаи «Варзишгар» анҷом ёфт.

Илова намудан бомаврид аст, ки барномаи мазкур бо иқдоми рўзноманигори варзидаи телевизион Шавкат Муҳаммадиев, ҳунармандони маъруфи кишвар Тағоймурод Розиқов, Аҳмадшоҳ Улфатшоев, Шавкат Халилов ва бо ибтикори Кумитаи телевизиони назди Ҳукумати Ҷумҳурии Тоҷикистон ва Кумитаи кор бо ҷавонони назди Ҳукумати Ҷумҳурии Тоҷикистон ҳанўз соли 1999-ум талид ёфта буд ва дар ин муддат миёни бинандагони телевизион ва сокинони кишвар маҳубубияти зиёд пайдо намуд. Маҳфили мазкур танҳо як маҳфили оддии фарҳангӣ набуда, он дар ба камол расонидани истеъдодҳои ҷавон нақши калон дорад. «Тоҷири аҷам»-Донишгоҳи тиҷорат, «Леваканд»-и Донишгоҳи давлатии шаҳри Қурғонтеппа (имрўза шаҳри Бохтар), «Кишоварз»-и Донишгоҳи аграрӣ, «Варзишгар»-и Донишкадаи тарбияи ҷисмонӣ, «Ҳамадон»-и Донишгоҳи давлатии омўзгории ш.Кўлоб, «Шараф»-и Донишгоҳи давлатии омўзгории ш.Душанбе ва боз дигар дастаҳои мактабҳои олии кишвар, ки солҳои тўлонӣ аст дар «Маҳзар» баромад менамоянд, миёни сокинони кишвар ҳаводорони зиёди худро доранд. «Маҳзар» чун мактаби ҳамбасттагӣ, мактаби ҳунару истеъдод дар таҳкими эҳсоси худшиносиву ватанпарастии насли ҷавон нақши муҳим дорад.

Мавлон ШАРИФОВ, узви Иттифоқи журналистони Тоҷикистон

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Август 2018 c.