ФАРҲАНГ
Сешанбе 23 Май 2017 01:40
411

16 январ зимни Анҷумани XIV-уми Иттифоқи журналистони Тоҷикистон Зиннатуллоҳ Исмоилзода, раиси Иттифоқи журналистони Тоҷикистон интихоб гардид.

Зиннатуллоҳ Исмоилзода, ҳоло директори муассисаи давлатии “Академияи васоити ахбори умум”  ва раиси Ассотсиатсияи дастраскунандагон ва паҳнкунандагони маводи радиотелевизионӣ мебошад.
Дар анҷуман, ки бо иштироки ёрдамчии Президенти ҷумҳурӣ оид ба робита бо ҷомеа Раҳмонзода Абдуҷаббор ҷараён гирифт, ҳисоботи иҷрокунандаи раиси ИЖТ Ёқуб Исмоилзода шунида шуд. Ё. Исмоилзода аз фаъолияти ташкилотҳои ибтидоии иттифоқ дар шаҳру навоҳӣ изҳори нигаронӣ кард. Ба гуфтаи ӯ дар панҷ соли охир 60 нафар журналист фавтидаанд. Аз ҷумла, моҳи августи соли гузашта раиси ИЖТ Акбаралӣ Сатторов ба таври фоҷиавӣ моро тарк кард.

Вакилони анҷуман масъалаҳои мавҷудаи соҳаи журналистикаро баррасӣ карданд.

Дар анҷом ба як қатор журналистон ифтихорномаҳои Вазорати фарҳанг ва Иттифоқи журналистони Тоҷикистон супорида шуд.

Эзоҳ

Муаллиф:

03.02.2016 12:27

Ба маълумотатон мерасонем, ки соҳаи журналистикаи кишвар тобеи Вазорати фарҳанг аст. Яъне шаҳодатномаи фаъолияти идораҳои ВАО дар Вазорати фарҳанг ба қайд гирифта мешавад.

Хонанда:

02.02.2016 16:32

Мухтарам муаллиф, раиси ИЖТ интихоб шудани Исмоилзода чи рабте ба фарҳанг дорад?

Эзоҳи худро нависед



Рамзҳо дар расм