ИҚТИСОД
Якшанбе 25 Феврал 2018 09:04
3177
Қарзи корхонаҳои зертобеи Агентии беҳдошти замин ва обёрӣ аз истифодаи нерӯи барқ дар назди ШСХК “Барқи Тоҷик” дар шаш моҳи соли ҷорӣ 28,2 млн. сомонӣ буда, бо дарназардошти қарзҳои солҳои гузашта 108,8 млн. сомониро ташкил медиҳад. Дар ин бора Абдулло Қурбонзода, муовини аввали директори Агентии беҳдошти замин ва обёрӣ 24 июл зимни нишасти матбуотӣ ба хабарнигорон маълумот дод.

А. Қурбонзода иброз дошт, ки соли 2017 тибқи дархости хоҷагиҳои кишоварзӣ тавассути қубурҳои обкашӣ ва чоҳҳои амудӣ заминҳои кишоварзӣ обёрӣ гардиданд. “Дар ин давра идораҳои давлатии беҳдошти замин ва обёрии шаҳру ноҳияҳо бо 4779 нафар истифодабарандагони об аз майдони 542448 га шартнома ба имзо расонданд, тибқи дархост ва талаботи истифодабарандагони об ба онҳо дар ҳаҷми 1 млрд. 909,2 млн. м3 нисбат ба ҳамин давраи соли гузашта 47,9 млн. м3 зиёд бо арзиши 32,7 млн. сомонӣ нисбат ба ҳамин давраи соли гузашта 916 ҳазор сомонӣ зиёд хизмат расонида шудааст”, - афзуд муовини аввали директори Агентӣ.

Инчунин иттилоъ дода шуд, ки нимаи аввали соли ҷорӣ аз ҳисоби маблағҳои мутамарказонидашуда ба Агентӣ барои иншооти сохтмонҳои асосӣ 14,4 млн. сомонӣ, аз ҷумла барои корҳои сохтмонию васлкунӣ 12,7 млн сомонӣ маблағ ҷудо гардида, аз худ намудани 300 га замини нав, беҳтар намудани таъминоти об дар 800 га замин, корҳои соҳилмустаҳкамкунӣ ба дарозии 1,6 км ба нақша гирифта шудааст.

Вазифаҳои муҳимтарини соҳа дар нимсолаи дуюми соли 2017 муташаккилона ба анҷом расонидани мавсими обёрӣ, таъмини иҷрои барномаи азхудкунии заминҳои нави обёришаванда, барқарорсозии заминҳои аз ҷиҳати кишоварзӣ берунмонда ва нақшаи беҳтар намудани ҳолати заминҳои обӣ, гузаронидани корҳои соҳилмустаҳкамкунӣ бо мақсади эмин нигоҳ доштани маҳаллҳои аҳолинишин ва иншооти хоҷагии халқ аз офатҳои табиӣ арзёбӣ шуд. Вале дар миёни вазифаҳо пардохти қарзи Агентӣ ба ШСХК “Барқи тоҷик” зикр нашуд.

Моҳира ҲИКМАТОВА, коромӯзи “ҶТ”

Эзоҳи худро нависед



Рамзҳо дар расм

соли ҷавононн

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 1 2 3 4

Феврал 2018 c.