МУАЛЛИФ: БЕҲРӮЗ ХОЛМУРОДОВ

Хадамоти назорати давлатии бехатарии корҳо дар саноат ва соҳаи кӯҳкорӣ соли 2016 478 нафар шахсони масъули корхонаҳои бақайдгирифташударо барои риоя накардани қоидаҳои бехатарии саноатӣ ба ҷавобгарии маъмурӣ кашида, ба маблағи 464 535 сомонӣ ҷарима бастааст.

- ҶДММ “Ширкати кӯҳӣ-саноатии Тоҷикистону Хитой”, ҶДММ “Покруд”, ФҶСП Ширкати муҳандисии “Умрон Морун”, ҶСК “Обшорон”, ҶДММ “Хишти Хуҷанд”, ҶДММ “Созандаи Суғд”, ФҶСП ШМ “Туннел садди Ориёно” ва ҶДММ “Гушикай ЛТД” аз ҷумлаи чунин коргоҳҳо мебошанд, - иброз дошт Раҳим Санъат Асо, сардори хадамоти номбурда.

Соли сипаришуда хадамот ба корхонаву ташкилот ва иншооти ба қайд гирифташуда 136 иҷозатномаи фаъолият додааст. Аз тарафи нозироти хадамот 33 ҳодисаи нохуш ва 1 садамаи истеҳсолӣ ба қайд гирифта шудааст.