Бино ба иттилои Сироҷиддин Икромӣ, раиси Бонки давлатии амонатгузории Ҷумҳурии Тоҷикистон “Амонатбонк” ҳоло дар Тоҷикистон шумораи дорандагони кортҳои пардохтии бонкӣ ба 1 миллиону 510 ҳазор нафар расидааст.

Номбурда дар идома гуфт, дороиҳои бонк 5млрд. сомонӣ ва уҳдадориҳои бонк 4,4 млрд. сомониро ташкил додааст, ки нисбат ба ҳамин давраи соли гузашта мутаносибан 7,1% ва 5,2% зиёд мебошад. Сармояи бонк ба 606,9 млн.сомонӣ расид, ки дар муқоиса ба ҳамин давраи соли гузашта 23,5% афзоиш ёфтааст. Фоидаи софи бонк 42,6 млн.сомониро ташкил намуд, ки нисбат ба ҳамин давраи соли гузашта 27,8% зиёд мебошад.

- Бонк аз рӯи фаъолияти худ 28,4 млн.сомонӣ андозу пардохтҳои ҳатмиро ба буҷети давлатӣ пардохт намудааст. Дар раванди саҳмгузорӣ дар татбиқи сиёсати иқтисодиёти рақамӣ ва боз ҳам рушд додани хизматрасониҳои ғайринақдӣ, бонк 679 нуқтаҳои қабули маблағҳои коммуналӣ ва 364 нуқтаҳои қабули маблағҳои андоз ва пардохтҳои ҳатмиро роҳандозӣ намуда , 738 адад постерминалҳоро дар нуқтаҳои савдо ва хизматрасонӣ насб намудааст, - гуфт Сироҷиддин Икромӣ.

Ба гуфти раиси бонк бо мақсади таъмини амнияти дороиҳо ва огоҳӣ ёфтан аз ворид ва пардохт гардидани маблағ тавассути суратҳисоби бонкӣ, хизматрасонии смс-паёмакҳо ба телефони мобилии ҳамаи муштариён ба таври ройгон роҳандозӣ гардидааст.