ИҚТИСОД
Ҷумъа 29 Март 2024 07:01
Дар шароити имрӯзаи пешрафти иқтисодӣ соҳаи саноат яке аз соҳаҳои муҳимми иқтисоди миллӣ маҳсуб ёфта, таъмин намудани рушди он яке аз вазифаҳои афзалиятнок ба шумор меравад.
Эмомалӣ Раҳмон
ДАР МАСИРИ РУШД
Дар даврони соҳибистиқлолӣ маҳз бо азму талош ва ғамхориву ҳидоятҳои неку созандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, инчунин бо дастгирии соҳибкорони маҳаллӣ ва дигар мардуми шарафманд Тоҷикистони азизи мо ба марҳилаи нави созандагию бунёдкорӣ қадам гузошт. Дар ин давра корхонаҳои саноатии Тоҷикистон новобаста ба душвориҳои молиявӣ, таъминот бо ашёи хом, маводи сӯхт ва ғайраҳо, тадбирҳои зиёдеро доир ба танзиму таҷдид ва дар истеҳсолот ҷорӣ намудани технология ва таҷҳизоти нави ҳозиразамон амалӣ намуданд. Нишондиҳандаҳои иқтисодии кишвар сол то сол баланд ва ҳаҷми маҷмуи маҳсулоти дохилӣ афзоиш ёфт. Бунёди зиёда аз 2000 корхонаи истеҳсолӣ ҳаҷми маҳсулоти саноатиро 4 маротиба афзоиш дод. Маҳз дар ҳамин замина ҳадафи чоруми стратегии мамлакат - саноатикунонии босуръат ба миён омад.
Бо дарназардошти аҳамияти бузурги соҳаи саноат дар рушди минбаъдаи мамлакат ва таъмини иҷрои ҳадафҳои стратегии миллӣ, аз ҷумла раванди саноатикунонии кишвар аз ҷониби Президенти мамлакат муҳтарам Эмомалӣ Раҳмон солҳои 2022–2026 “Солҳои рушди саноат” эълон гардиданд. Пеш аз ҳама, ин дар ҳалли масъалаҳои иҷтимоиву иқтисодӣ ва бо кор таъмин намудани аҳолии мамлакат мусоидат хоҳад кард.
“ГУЛИСТОНИ ДУШАНБЕ”
Душанбе - пойтахти Ҷумҳурии Тоҷикистон яке аз ободтарину сераҳолитарин шаҳрҳои кишвар ба ҳисоб рафта, дар ҳудуди он корхонаву ташкилотҳои калонтарин ҷойгир мебошанд. Айни ҳол қариб 10 %-и ҳаҷми маҳсулоти саноатӣ дар ду шаҳри калони ҷумҳурӣ – Душанбе ва Хуҷанд истеҳсол карда мешавад.
Яке аз корхонаҳои бузурги саноатӣ, ки дар пойтахти кишвар ҷойгир аст, Ҷамъияти саҳомии кушодаи “Гулистони Душанбе” мебошад. Ҷамъияти саҳомии кушодаи “Гулистони Душанбе” яке аз бузургтарин коргоҳҳои истеҳсолии дӯзандагӣ ва аз сермаҳсултарин коргоҳҳо оид ба истеҳсоли либосҳои занона ва мардона ба шумор меравад. Санги асоси корхонаи мазкур ҳанӯз дар замони Иттиҳоди Шӯравӣ, яъне соли 1933 гузошта шуда, он дар замони Иттиҳоди Шӯравӣ бо иқтидори хеле бузург фаъолият менамуд. ҶСК “Гулистони Душанбе” ин корхонаи муосири истеҳсолиест, ки бо техникаву дастгоҳҳои баландсифат ва кормандону мутахассисони варзидаи соҳавӣ таъмин мебошад. Иқтидори истеҳсолии корхона дӯхти зиёда аз 1 миллион адад маҳсулоти дӯзандагиро дар як сол дар бар мегирад. Корхона бо таҷҳизоти наву замонавӣ муҷаҳҳаз гардонида шудааст, ки онҳо соли 2005 аз кишварҳои Олмон, Ҷопон, Италия, Чин ва Туркия дастрас ва насб карда шуда, имкон медиҳанд, то маҳсулоти сифатан нав ва ҷавобгӯ ба стандартҳои байналмилалӣ истеҳсол шавад. Имрӯз дар ин коргоҳ навъҳои гуногуни сару либос, аз ҷумла либосҳои мардона, занона, кӯдакона, аз қабили шимҳои варзишӣ, камзулҳои гарм, либосҳои махсус ва ғайраҳо бо сатҳу сифати баланд ва ҷавобгӯ ба талаботи бозори меҳнат истеҳсол ва ба фурӯш бароварда мешаванд.
Сатҳу сифати маҳсулоти истеҳсолӣ, таъминоти мукаммали техникии коргоҳ ва савияи баланди тахассусии кормандон аст, ки имрӯз маҳсулоти корхона ба талаботи фармоишгарон пурра ҷавобгӯ гардонида шудааст. Ҳамасола кормандон барои табодули таҷриба ба кишварҳои хориҷ фиристода шуда, сатҳи донишу малакаи касбии худро баланд мебардоранд. Барои кормандон шароити мусоиди корӣ фароҳам оварда шуда, айни замон якчанд адад сехҳо, аз ҷумла сехи дӯзандагӣ, бурандагӣ ва сехи озмоишӣ пурра фаъолият мекунанд. Баъди қабули фармоиш матоъ дар сехи бурандагӣ тавассути дастгоҳҳои махсус ва қолибҳои муайян бурида шуда, сипас барои дӯхти санҷишӣ ба сехи дигар супорида мешавад. Ва ҳангоми аз санҷиши пурраи сифат гузаштан он дар сехи дӯзандагӣ бо шумораи дақиқ омода карда мешавад.
ТАРБИЯИ КАДРҲО
Ҷамъияти саҳомии кушодаи “Гулистони Душанбе” дорои кадрҳои баландихтисосу соҳибтаҷрибае мебошад, ки ҳанӯз аз замони Иттиҳоди Шӯравӣ то имрӯз дар ин ҷо фаъолияти пурсамар доранд. Ин бошад, барои тарбия ва тайёр намудани кадрҳои соҳавӣ аз ҳисоби ҷавонон замина фароҳам меорад. Ин аст, ки дар корхона ҷиҳати омӯзонидани занону духтарони маҳаллӣ ба касби дӯзандагӣ ба таври доимӣ кормандон ба кор ҷалб карда мешаванд.
Айни замон шумораи кормандони ин коргоҳ 99 нафар буда, зиёда аз 87%-и онҳоро занону духтарон ташкил медиҳанд.
Сардори сехи дӯзандагӣ Зуҳро Раҳимова аз зумраи кормандони фаъоли ин даргоҳ буда, тӯли фаъолияти зиёда аз 45-солаи худ шогирдони зиёдеро тарбия ва соҳибкасб гардонидааст. Ӯ бо қаноатмандӣ изҳор дошт, ки бо ташаббус ва дастгирии роҳбарияти корхона сол то сол мушкилоти ҷойдошта дар самти дастгирии молиявии кормандон ҳаллу фасл гаштаву фаъолияти мунтазами корхона ба роҳ монда шудааст.
“Мо истеҳсоли маҳсулотро тибқи фармоиши мизоҷон ба роҳ мемонем. Айни ҳол бо фармоиши як ширкати русиягӣ ба дӯхтани камзӯлҳои гарми зимистона машғул ҳастем. Ҳамчунин, бо чандин ширкатҳои дигар низ ҳамкорӣ дошта, барои онҳо сарулибоси фармоишӣ медӯзем. То имрӯз аз сифати маҳсулоти омоданамудаи корхонаи мо касе шикоят накардааст, чун мо ба сифати маҳсулот аҳамияти ҷиддӣ медиҳем. Айни ҳол дар сехи дӯзандагӣ 60 нафар занону духтарон фаъолият намуда, барои онҳо шароити хуби кору истироҳат фароҳам оварда шудааст. Кормандон дар як баст кор мекунанд. Музди меҳнат сари вақт пардохт мешавад ва вобаста ба ҳаҷми кор андозаи маошу даромади кормандон низ зиёд мешавад.
Хушнуд аз он ҳастем, ки занону духтарони мо аз ҷониби роҳбарияти олии мамлакат дастгирӣ мешаванд, барояшон шароитҳои хубу мусоиди таҳсилу касбомӯзӣ муҳайё карда шудааст. Мо низ кӯшиш мекунем, ки сазовори боварии роҳбарон буда, барои Ватану миллати худ содиқона хизмат намоем”, - гуфт Зуҳро Раҳимова.
САНОАТИ САБУК – СОҲАИ МАНФИАТОВАРИ СОДИРОТӢ
Боиси хушнудист, ки маҳсулоти истеҳсолкардаи Ҷамъияти саҳомии кушодаи “Гулистони Душанбе” дар бозорҳои хориҷи кишвар низ мавқеи худро пайдо намуда, ҳамасола миқдори муайяни маводи ниёзи аҳолӣ ба хориҷи кишвар содирот карда мешавад. Корхона дар баробари иҷрои фармоишҳои дохили кишвар, ҳамкории судмандро ҷиҳати истеҳсоли либосҳои варзишӣ бо ширкатҳои истеҳсолии Русия ба роҳ мондааст.
Ҳамкории зич ва доимӣ бо дигар коргоҳҳои ватанию хориҷӣ имкон фароҳам овардаст, то ҳаҷми истеҳсоли маҳсулот рӯз аз рӯз бештару сифати он беҳтар шавад. Ин аст, ки корхона иқтидори содиротии худро мунтазам афзун намуда, барои ҳамарӯза беҳтар намудани хизматрасонӣ ва баланд бардоштани сифати маҳсулот саъю талош ба харҷ медиҳад. Масалан, давоми соли 2021 корхона ба хориҷи кишвар ба маблағи 628 700 сомонӣ маҳсулоти дӯзандагӣ содирот намудааст. Ин нишондиҳандаҳо бори дигар собит месозанд, ки соҳаи саноати сабук, дар баробари таъмин намудани эҳтиёҷоти дохилии кишвар, соҳаи манфиатовари содиротӣ низ мебошад.
ТАЛАБОТ БА МАҲСУЛОТИ ВАТАНӢ МЕАФЗОЯД
Талабот ба маҳсулоти корхона дар ҳама фаслҳои сол зиёд буда, корхона тибқи фармоиши мизоҷон истеҳсоли ҳар гуна либосро ба роҳ мемонад. Сатҳи баланди касбӣ, масъулиятнокӣ ва донистани уҳдадориҳои хеш ба ҳар як корманди ин даргоҳ имкон фароҳам овардааст, ки маҳсулоти корхонаро ба яке аз маҳсулотҳои рақобатпазир дар бозори дохил ва хориҷи кишвар табдил диҳанд.
Аз ҷониби кормандони масъул сатҳу сифати маҳсулоти истеҳсолшаванда мунтазам мавриди санҷиш қарор дода шуда, бо истифода аз таҷҳизоти махсуси санҷиши сифат ҳама нуқсонҳои ҷойдошта сари вақт бартараф карда мешаванд.
Рассомон, тарроҳон ва дигар кормандони коргоҳ тамоми неру ва маҳорати худро баҳри он сафарбар менамоянд, ки бо истифода аз талаботи мӯди муосир ва бо дарназардошти завқу салиқаи мизоҷон, истеҳсолу фурӯши молро ба роҳ монанд. Дизайни муосир ва анвои гуногуни молҳои хушсифати бароҳату замонавӣ имкон додааст, то корхона дар самти фурӯши моли бозоргиру мувофиқ ба талаботи рӯзафзуни мизоҷон муваффақ буда, ба дастовардҳои хуб дар чанд соли охир соҳиб гардад.
Маргарита Саидова, сарму-ҳандиси ҶСК “Гулистони Душанбе” доир ба фаъолияти корхона чунин ибрози ақида намуд: “- Айни ҳол мо барои як ширкати варзишӣ либосҳои гарм ва либоси варзишӣ, шим ва камзулҳои муҳофизатӣ омода карда истодаем. Тибқи фармоиши ширкати “Текстилтрейд” мо барои кормандони онҳо либоси фармоишӣ тайёр мекунем. Ҳоло дар анборҳои мо 19 номгӯи сарулибоси тайёр вуҷуд дорад, ки танҳо як номгӯи он ба маблағи зиёда аз 8,5 ҳазор сомонӣ омода шудааст. Мо тибқи фармоиши дигар ба дӯхтани корҷомаҳои мавсимӣ машғул ҳастем ва ҳоло нусхаи озмоишии онҳоро тайёр кардаем ва дар сурати аз санҷиш гузаштан, ба дӯхти онҳо шурӯъ хоҳем кард.
Ғайр аз ширкатҳои хориҷӣ мо барои ширкатҳои ватанӣ, ҳамчунин ташкилотҳои варзишӣ либосҳои махсус медӯзем. Кӯшиш мекунем, ки маҳсулоти мо ҳам дар бозори хориҷӣ ва ҳам дар бозори дохилӣ харидори худро дошта бошад”.
ДӮЗАНДАГӢ - СОҲАИ АФЗАЛИЯТНОКИ САНОАТИ САБУК
Ҳадафи чоруми стратегии мамлакат - эълон намудани рушди саноатикунонии мамлакат аз он иборат аст, ки ҳаҷми истеҳсоли маҳсулоти саноатии рақобатнок дар кишвар рушд кунад. Барои амалӣ гардидани ин ҳадафи стратегӣ соҳаи дӯзандагӣ ҳамчун соҳаи афзалиятноки саноати сабук эътироф шудааст.
Аҳли заҳмати Ҷамъияти саҳомии кушодаи “Гулистони Душанбе” мақсад доранд, ки дар ояндаи наздик бо истифода аз таҷрибаи пешрафтаи ҷаҳонӣ ҳаҷми истеҳсоли маҳсулоти гуногунро боз ҳам афзун гардонида, омӯзиши бозори дохилӣ ва минтақаро барои истеҳсоли дигар намуди маҳсулоти соҳавии воридотивазкунанда тақвият бахшанд.
“Кӯшиш мекунем, ки бо истифода аз ҳама имконоти мавҷуда маҳсулоти сифатан хуби воридотивазкунандаро истеҳсол намуда, дар татбиқи ҳадафи чоруми стратегии миллӣ - саноатикунонии босуръати кишвари азизамон саҳмгузор бошем, - гуфт роҳбари корхона Дилшод Бегов.
P/S: Хонандагони азиз! Шакли видеоии маводро аз ютубканали рӯзнома – javonontv тамошо карда метавонед.
Эмомалӣ Раҳмон
ДАР МАСИРИ РУШД
Дар даврони соҳибистиқлолӣ маҳз бо азму талош ва ғамхориву ҳидоятҳои неку созандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, инчунин бо дастгирии соҳибкорони маҳаллӣ ва дигар мардуми шарафманд Тоҷикистони азизи мо ба марҳилаи нави созандагию бунёдкорӣ қадам гузошт. Дар ин давра корхонаҳои саноатии Тоҷикистон новобаста ба душвориҳои молиявӣ, таъминот бо ашёи хом, маводи сӯхт ва ғайраҳо, тадбирҳои зиёдеро доир ба танзиму таҷдид ва дар истеҳсолот ҷорӣ намудани технология ва таҷҳизоти нави ҳозиразамон амалӣ намуданд. Нишондиҳандаҳои иқтисодии кишвар сол то сол баланд ва ҳаҷми маҷмуи маҳсулоти дохилӣ афзоиш ёфт. Бунёди зиёда аз 2000 корхонаи истеҳсолӣ ҳаҷми маҳсулоти саноатиро 4 маротиба афзоиш дод. Маҳз дар ҳамин замина ҳадафи чоруми стратегии мамлакат - саноатикунонии босуръат ба миён омад.
Бо дарназардошти аҳамияти бузурги соҳаи саноат дар рушди минбаъдаи мамлакат ва таъмини иҷрои ҳадафҳои стратегии миллӣ, аз ҷумла раванди саноатикунонии кишвар аз ҷониби Президенти мамлакат муҳтарам Эмомалӣ Раҳмон солҳои 2022–2026 “Солҳои рушди саноат” эълон гардиданд. Пеш аз ҳама, ин дар ҳалли масъалаҳои иҷтимоиву иқтисодӣ ва бо кор таъмин намудани аҳолии мамлакат мусоидат хоҳад кард.
“ГУЛИСТОНИ ДУШАНБЕ”
Душанбе - пойтахти Ҷумҳурии Тоҷикистон яке аз ободтарину сераҳолитарин шаҳрҳои кишвар ба ҳисоб рафта, дар ҳудуди он корхонаву ташкилотҳои калонтарин ҷойгир мебошанд. Айни ҳол қариб 10 %-и ҳаҷми маҳсулоти саноатӣ дар ду шаҳри калони ҷумҳурӣ – Душанбе ва Хуҷанд истеҳсол карда мешавад.
Яке аз корхонаҳои бузурги саноатӣ, ки дар пойтахти кишвар ҷойгир аст, Ҷамъияти саҳомии кушодаи “Гулистони Душанбе” мебошад. Ҷамъияти саҳомии кушодаи “Гулистони Душанбе” яке аз бузургтарин коргоҳҳои истеҳсолии дӯзандагӣ ва аз сермаҳсултарин коргоҳҳо оид ба истеҳсоли либосҳои занона ва мардона ба шумор меравад. Санги асоси корхонаи мазкур ҳанӯз дар замони Иттиҳоди Шӯравӣ, яъне соли 1933 гузошта шуда, он дар замони Иттиҳоди Шӯравӣ бо иқтидори хеле бузург фаъолият менамуд. ҶСК “Гулистони Душанбе” ин корхонаи муосири истеҳсолиест, ки бо техникаву дастгоҳҳои баландсифат ва кормандону мутахассисони варзидаи соҳавӣ таъмин мебошад. Иқтидори истеҳсолии корхона дӯхти зиёда аз 1 миллион адад маҳсулоти дӯзандагиро дар як сол дар бар мегирад. Корхона бо таҷҳизоти наву замонавӣ муҷаҳҳаз гардонида шудааст, ки онҳо соли 2005 аз кишварҳои Олмон, Ҷопон, Италия, Чин ва Туркия дастрас ва насб карда шуда, имкон медиҳанд, то маҳсулоти сифатан нав ва ҷавобгӯ ба стандартҳои байналмилалӣ истеҳсол шавад. Имрӯз дар ин коргоҳ навъҳои гуногуни сару либос, аз ҷумла либосҳои мардона, занона, кӯдакона, аз қабили шимҳои варзишӣ, камзулҳои гарм, либосҳои махсус ва ғайраҳо бо сатҳу сифати баланд ва ҷавобгӯ ба талаботи бозори меҳнат истеҳсол ва ба фурӯш бароварда мешаванд.
Сатҳу сифати маҳсулоти истеҳсолӣ, таъминоти мукаммали техникии коргоҳ ва савияи баланди тахассусии кормандон аст, ки имрӯз маҳсулоти корхона ба талаботи фармоишгарон пурра ҷавобгӯ гардонида шудааст. Ҳамасола кормандон барои табодули таҷриба ба кишварҳои хориҷ фиристода шуда, сатҳи донишу малакаи касбии худро баланд мебардоранд. Барои кормандон шароити мусоиди корӣ фароҳам оварда шуда, айни замон якчанд адад сехҳо, аз ҷумла сехи дӯзандагӣ, бурандагӣ ва сехи озмоишӣ пурра фаъолият мекунанд. Баъди қабули фармоиш матоъ дар сехи бурандагӣ тавассути дастгоҳҳои махсус ва қолибҳои муайян бурида шуда, сипас барои дӯхти санҷишӣ ба сехи дигар супорида мешавад. Ва ҳангоми аз санҷиши пурраи сифат гузаштан он дар сехи дӯзандагӣ бо шумораи дақиқ омода карда мешавад.
ТАРБИЯИ КАДРҲО
Ҷамъияти саҳомии кушодаи “Гулистони Душанбе” дорои кадрҳои баландихтисосу соҳибтаҷрибае мебошад, ки ҳанӯз аз замони Иттиҳоди Шӯравӣ то имрӯз дар ин ҷо фаъолияти пурсамар доранд. Ин бошад, барои тарбия ва тайёр намудани кадрҳои соҳавӣ аз ҳисоби ҷавонон замина фароҳам меорад. Ин аст, ки дар корхона ҷиҳати омӯзонидани занону духтарони маҳаллӣ ба касби дӯзандагӣ ба таври доимӣ кормандон ба кор ҷалб карда мешаванд.
Айни замон шумораи кормандони ин коргоҳ 99 нафар буда, зиёда аз 87%-и онҳоро занону духтарон ташкил медиҳанд.
Сардори сехи дӯзандагӣ Зуҳро Раҳимова аз зумраи кормандони фаъоли ин даргоҳ буда, тӯли фаъолияти зиёда аз 45-солаи худ шогирдони зиёдеро тарбия ва соҳибкасб гардонидааст. Ӯ бо қаноатмандӣ изҳор дошт, ки бо ташаббус ва дастгирии роҳбарияти корхона сол то сол мушкилоти ҷойдошта дар самти дастгирии молиявии кормандон ҳаллу фасл гаштаву фаъолияти мунтазами корхона ба роҳ монда шудааст.
“Мо истеҳсоли маҳсулотро тибқи фармоиши мизоҷон ба роҳ мемонем. Айни ҳол бо фармоиши як ширкати русиягӣ ба дӯхтани камзӯлҳои гарми зимистона машғул ҳастем. Ҳамчунин, бо чандин ширкатҳои дигар низ ҳамкорӣ дошта, барои онҳо сарулибоси фармоишӣ медӯзем. То имрӯз аз сифати маҳсулоти омоданамудаи корхонаи мо касе шикоят накардааст, чун мо ба сифати маҳсулот аҳамияти ҷиддӣ медиҳем. Айни ҳол дар сехи дӯзандагӣ 60 нафар занону духтарон фаъолият намуда, барои онҳо шароити хуби кору истироҳат фароҳам оварда шудааст. Кормандон дар як баст кор мекунанд. Музди меҳнат сари вақт пардохт мешавад ва вобаста ба ҳаҷми кор андозаи маошу даромади кормандон низ зиёд мешавад.
Хушнуд аз он ҳастем, ки занону духтарони мо аз ҷониби роҳбарияти олии мамлакат дастгирӣ мешаванд, барояшон шароитҳои хубу мусоиди таҳсилу касбомӯзӣ муҳайё карда шудааст. Мо низ кӯшиш мекунем, ки сазовори боварии роҳбарон буда, барои Ватану миллати худ содиқона хизмат намоем”, - гуфт Зуҳро Раҳимова.
САНОАТИ САБУК – СОҲАИ МАНФИАТОВАРИ СОДИРОТӢ
Боиси хушнудист, ки маҳсулоти истеҳсолкардаи Ҷамъияти саҳомии кушодаи “Гулистони Душанбе” дар бозорҳои хориҷи кишвар низ мавқеи худро пайдо намуда, ҳамасола миқдори муайяни маводи ниёзи аҳолӣ ба хориҷи кишвар содирот карда мешавад. Корхона дар баробари иҷрои фармоишҳои дохили кишвар, ҳамкории судмандро ҷиҳати истеҳсоли либосҳои варзишӣ бо ширкатҳои истеҳсолии Русия ба роҳ мондааст.
Ҳамкории зич ва доимӣ бо дигар коргоҳҳои ватанию хориҷӣ имкон фароҳам овардаст, то ҳаҷми истеҳсоли маҳсулот рӯз аз рӯз бештару сифати он беҳтар шавад. Ин аст, ки корхона иқтидори содиротии худро мунтазам афзун намуда, барои ҳамарӯза беҳтар намудани хизматрасонӣ ва баланд бардоштани сифати маҳсулот саъю талош ба харҷ медиҳад. Масалан, давоми соли 2021 корхона ба хориҷи кишвар ба маблағи 628 700 сомонӣ маҳсулоти дӯзандагӣ содирот намудааст. Ин нишондиҳандаҳо бори дигар собит месозанд, ки соҳаи саноати сабук, дар баробари таъмин намудани эҳтиёҷоти дохилии кишвар, соҳаи манфиатовари содиротӣ низ мебошад.
ТАЛАБОТ БА МАҲСУЛОТИ ВАТАНӢ МЕАФЗОЯД
Талабот ба маҳсулоти корхона дар ҳама фаслҳои сол зиёд буда, корхона тибқи фармоиши мизоҷон истеҳсоли ҳар гуна либосро ба роҳ мемонад. Сатҳи баланди касбӣ, масъулиятнокӣ ва донистани уҳдадориҳои хеш ба ҳар як корманди ин даргоҳ имкон фароҳам овардааст, ки маҳсулоти корхонаро ба яке аз маҳсулотҳои рақобатпазир дар бозори дохил ва хориҷи кишвар табдил диҳанд.
Аз ҷониби кормандони масъул сатҳу сифати маҳсулоти истеҳсолшаванда мунтазам мавриди санҷиш қарор дода шуда, бо истифода аз таҷҳизоти махсуси санҷиши сифат ҳама нуқсонҳои ҷойдошта сари вақт бартараф карда мешаванд.
Рассомон, тарроҳон ва дигар кормандони коргоҳ тамоми неру ва маҳорати худро баҳри он сафарбар менамоянд, ки бо истифода аз талаботи мӯди муосир ва бо дарназардошти завқу салиқаи мизоҷон, истеҳсолу фурӯши молро ба роҳ монанд. Дизайни муосир ва анвои гуногуни молҳои хушсифати бароҳату замонавӣ имкон додааст, то корхона дар самти фурӯши моли бозоргиру мувофиқ ба талаботи рӯзафзуни мизоҷон муваффақ буда, ба дастовардҳои хуб дар чанд соли охир соҳиб гардад.
Маргарита Саидова, сарму-ҳандиси ҶСК “Гулистони Душанбе” доир ба фаъолияти корхона чунин ибрози ақида намуд: “- Айни ҳол мо барои як ширкати варзишӣ либосҳои гарм ва либоси варзишӣ, шим ва камзулҳои муҳофизатӣ омода карда истодаем. Тибқи фармоиши ширкати “Текстилтрейд” мо барои кормандони онҳо либоси фармоишӣ тайёр мекунем. Ҳоло дар анборҳои мо 19 номгӯи сарулибоси тайёр вуҷуд дорад, ки танҳо як номгӯи он ба маблағи зиёда аз 8,5 ҳазор сомонӣ омода шудааст. Мо тибқи фармоиши дигар ба дӯхтани корҷомаҳои мавсимӣ машғул ҳастем ва ҳоло нусхаи озмоишии онҳоро тайёр кардаем ва дар сурати аз санҷиш гузаштан, ба дӯхти онҳо шурӯъ хоҳем кард.
Ғайр аз ширкатҳои хориҷӣ мо барои ширкатҳои ватанӣ, ҳамчунин ташкилотҳои варзишӣ либосҳои махсус медӯзем. Кӯшиш мекунем, ки маҳсулоти мо ҳам дар бозори хориҷӣ ва ҳам дар бозори дохилӣ харидори худро дошта бошад”.
ДӮЗАНДАГӢ - СОҲАИ АФЗАЛИЯТНОКИ САНОАТИ САБУК
Ҳадафи чоруми стратегии мамлакат - эълон намудани рушди саноатикунонии мамлакат аз он иборат аст, ки ҳаҷми истеҳсоли маҳсулоти саноатии рақобатнок дар кишвар рушд кунад. Барои амалӣ гардидани ин ҳадафи стратегӣ соҳаи дӯзандагӣ ҳамчун соҳаи афзалиятноки саноати сабук эътироф шудааст.
Аҳли заҳмати Ҷамъияти саҳомии кушодаи “Гулистони Душанбе” мақсад доранд, ки дар ояндаи наздик бо истифода аз таҷрибаи пешрафтаи ҷаҳонӣ ҳаҷми истеҳсоли маҳсулоти гуногунро боз ҳам афзун гардонида, омӯзиши бозори дохилӣ ва минтақаро барои истеҳсоли дигар намуди маҳсулоти соҳавии воридотивазкунанда тақвият бахшанд.
“Кӯшиш мекунем, ки бо истифода аз ҳама имконоти мавҷуда маҳсулоти сифатан хуби воридотивазкунандаро истеҳсол намуда, дар татбиқи ҳадафи чоруми стратегии миллӣ - саноатикунонии босуръати кишвари азизамон саҳмгузор бошем, - гуфт роҳбари корхона Дилшод Бегов.
P/S: Хонандагони азиз! Шакли видеоии маводро аз ютубканали рӯзнома – javonontv тамошо карда метавонед.
Эзоҳи худро нависед