ИҚТИСОД
Шанбе 29 Апрел 2017 02:49
1817
Дар доираи 9-умин намоишгоҳи “Молистеҳсолкунандагони Ноҳияи Мухтори Синзян Уйғури Чин (НМСУЧ) - Тоҷикистон - 2016” дар Палатаи савдо ва саноати Тоҷикистон бахшида ба масоили рушди соҳибкории занон бо иштироки намояндагони Федератсияи занони НМСУЧ ва занони соҳибкори Ҷумҳурии Тоҷикистон мизи мудаввар баргузор гардид.

Сабоҳат Раҳимзода, роҳбари Асcотсиатсияи миллии занони соҳибкор “Кадбону” доир ба нақш ва саҳми занони соҳибкори тоҷик маълумот дода, изҳори боварӣ намуд, ки нишасти занони соҳибкори ҳар ду кишвар ба манфиати кор буда, дар оянда метавонад, барои боз ҳам таҳким бахшидани ҳамкориҳо саҳми арзанда гузорад.

Дар ҷараёни нишаст ҳар яке аз соҳибкорон вобаста ба ташкилоти худ маълумот дода, баҳри ҳамкорӣ кардан дар соҳаҳои гуногуни истеҳсолот гуфтушунид намуданд.  

Дар интиҳо байни Федератсияи занони НМСУЧ ва Асcотсиатсияи миллии занони соҳибкори Тоҷикистон баҳри таҳким бахшидани ҳамкориҳои судманд байни занони соҳибкори ду кишвар санади ҳамкорӣ ба имзо расид.

Эзоҳи худро нависед



Рамзҳо дар расм