Даромади умумии Иттифоқи Тоҷикматлубот дар соли 2021 - 108,8 млн. сомониро ташкил намуд, ки ин нишондод нисбат соли гузашта 4,7 млн. сомонӣ зиёд мебошад.

Дар ин бора 7 феврал Идиев Ҳусайн Сафаралиевич, раиси Иттифоқи Тоҷикматлубот зимни нишасти матбуотӣ хабар дод.

Инчунин қайд гардид, ки аз ҷониби Раёсати Иттифоқи Тоҷикматлубот дар соли сипаришуда мутобиқи дастуру супоришҳои Ҳукумати Ҷумҳурии Тоҷикистон дар ҳамкорӣ бо мақомоти иҷроияи ҳокимияти давлатии шаҳри Душанбе бахшида ба соли нави мелодӣ, Наврӯзи байналмилалӣ, моҳи шарифи Рамазон ва дигар ҷашнҳо дар пойтахти кишвар ярмаркаҳои фурӯши маҳсулоти кишоварзӣ баргузор карда шуд. Ҳадаф аз баргузории чунин ярмаркаҳо бо нархи арзонтар дастрас намудани маҳсулоти кишоварзӣ ба сокинони пойтахт мебошад.