ИҚТИСОД
Ҷумъа 19 Апрел 2024 11:34
Корхонаҳои Тоҷикистон маротибаи ҳаштум бо мусоидат ва дастгирии Маркази тиҷорати байналмилалӣ меҳмони намоишгоҳи байналмилалии “Текстиллегпром”, ки азимтарин намоишгоҳи махсус дар Иттиҳоди Давлатҳои Муштаракулманофеъ мебошад, мегарданд. Намоишгоҳ имрӯз, 14 феврал, шуруъ шуда, то 17-уми феврал дар шаҳри Маскав идома меёбад.
Аз соли 2011 беш аз 20 корхона аз Тоҷикистон дар ин намоишгоҳ иштирок кардаанд. Корхонаҳои Тоҷикистон аз ин намоишгоҳ бо шартномаҳои чандсадҳазору чандмиллиондоллара баргаштаанд. Имсол корхонаҳои нассоҷиву дӯзандагии зерин имкони густариши бозори берунаи худро пайдо кардаанд: «Ваҳдат» ва “ХИМА-Текстил” аз ноҳияи Ёвон, “Неку Хуҷанд”, “Ортекс” ва «РБТ Тоҷикистон» аз шаҳри Хуҷанд, «Ноҳид» аз шаҳри Истаравшан, “Меҳровар” аз шаҳри Қурғонтеппа ва “Олим Текстайл” аз ноҳияи Мастчоҳ.
“Текстиллегпром”, ки боз ҳамчун Намоишгоҳи тиҷоратии федералии нассоҷӣ ва маҳсулоту таҷҳизоти саноати сабук шинохта мешавад, имконияти нодири намоиши маҳсулот ва шиносоӣ бо тамоми бастаи маҳсулоти нассоҷӣ, сар карда аз ашёи хом ва таҷҳизот то ба маҳсулоти тайёр мебошад. Теъдоди меҳмонони намоишгоҳ то ба 37000 нафар мерасад, ки бо маҳсулоти замонавии беш аз 2500 ширкат шинос мешаванд.
Армен Заргарян, ҳамоҳангсози барномаҳои МТБ дар кишварҳои Аврупои Шарқӣ ва Осиёи Марказӣ, мегӯяд: “Текстиллегпром” истеҳсолкунандагон ва харидоронро аз тамоми минтақаҳои Русия гирди ҳам меорад, ки имкони хуби шиносоӣ бо вазъи бозорро медиҳад. Аз ин рӯ, ин намоишгоҳ барои корхонаҳои содиркунандаи Тоҷикистон имкони хубест, то бозори Русия ва талаботи онро бештар омӯзанд ва беҳтар шиносанд ва бо шарикони эҳтимолӣ аз тамоми минтақаҳо тамосҳо барқарор намоянд”.
Шаҳло Обидҷонова, масъули “Олим Текстайл”, мегӯяд: “Иштирокҳои қаблӣ дар ин намоишгоҳ ба мо имкон дод, то бо ширкатҳои хориҷӣ шартномаҳои корӣ бандем. Талош дорем, то тавассути иштирок дар намоишгоҳҳои нассоҷиву дӯзандагӣ ҳузури худамонро дар бозори Русия таҳким бахшем”.
Ҳайъати Тоҷикистон, ҳамчунин, аз павилйонҳои дигар низ дар намоишгоҳ бо ҳадафи шиносоӣ бо ҳамкорони эҳтимолии тиҷоратӣ ва фанновариҳои замонавию маҳсулоти навин дидан хоҳад кард.
Аз соли 2011 беш аз 20 корхона аз Тоҷикистон дар ин намоишгоҳ иштирок кардаанд. Корхонаҳои Тоҷикистон аз ин намоишгоҳ бо шартномаҳои чандсадҳазору чандмиллиондоллара баргаштаанд. Имсол корхонаҳои нассоҷиву дӯзандагии зерин имкони густариши бозори берунаи худро пайдо кардаанд: «Ваҳдат» ва “ХИМА-Текстил” аз ноҳияи Ёвон, “Неку Хуҷанд”, “Ортекс” ва «РБТ Тоҷикистон» аз шаҳри Хуҷанд, «Ноҳид» аз шаҳри Истаравшан, “Меҳровар” аз шаҳри Қурғонтеппа ва “Олим Текстайл” аз ноҳияи Мастчоҳ.
“Текстиллегпром”, ки боз ҳамчун Намоишгоҳи тиҷоратии федералии нассоҷӣ ва маҳсулоту таҷҳизоти саноати сабук шинохта мешавад, имконияти нодири намоиши маҳсулот ва шиносоӣ бо тамоми бастаи маҳсулоти нассоҷӣ, сар карда аз ашёи хом ва таҷҳизот то ба маҳсулоти тайёр мебошад. Теъдоди меҳмонони намоишгоҳ то ба 37000 нафар мерасад, ки бо маҳсулоти замонавии беш аз 2500 ширкат шинос мешаванд.
Армен Заргарян, ҳамоҳангсози барномаҳои МТБ дар кишварҳои Аврупои Шарқӣ ва Осиёи Марказӣ, мегӯяд: “Текстиллегпром” истеҳсолкунандагон ва харидоронро аз тамоми минтақаҳои Русия гирди ҳам меорад, ки имкони хуби шиносоӣ бо вазъи бозорро медиҳад. Аз ин рӯ, ин намоишгоҳ барои корхонаҳои содиркунандаи Тоҷикистон имкони хубест, то бозори Русия ва талаботи онро бештар омӯзанд ва беҳтар шиносанд ва бо шарикони эҳтимолӣ аз тамоми минтақаҳо тамосҳо барқарор намоянд”.
Шаҳло Обидҷонова, масъули “Олим Текстайл”, мегӯяд: “Иштирокҳои қаблӣ дар ин намоишгоҳ ба мо имкон дод, то бо ширкатҳои хориҷӣ шартномаҳои корӣ бандем. Талош дорем, то тавассути иштирок дар намоишгоҳҳои нассоҷиву дӯзандагӣ ҳузури худамонро дар бозори Русия таҳким бахшем”.
Ҳайъати Тоҷикистон, ҳамчунин, аз павилйонҳои дигар низ дар намоишгоҳ бо ҳадафи шиносоӣ бо ҳамкорони эҳтимолии тиҷоратӣ ва фанновариҳои замонавию маҳсулоти навин дидан хоҳад кард.
Хабарҳои дигар
Рӯзнома
Эзоҳи худро нависед