ИҚТИСОД
Душанбе 16 Сентябр 2019 05:37
2242
МУАЛЛИФ: ХУРШЕД МАВЛОНОВ

Агентии “Тоҷикстандарт” соли 2016 дар натиҷаи гузаронидани санҷишҳо ба миқдори 6008 тонна молу маҳсулоти ғизоии ба талабот аз рӯи сифату бехатарӣ ва тамғагузорӣ ҷавобгӯ набударо ошкор кардааст. Маҳсулоти мазкур тибқи тартиби муқарраргардида барои коркарди дубора ва нобудсозӣ пешниҳод карда шудааст.

Қурбониён Ибодулло, директори Агентии “Тоҷикстандарт” зимни нишасти матуботӣ ин нишондодро чунин шарҳ дод: “Дар озмоишгоҳҳои ташхисии муҳсулоти ғизоии агентӣ аз рӯи сифату бехатарӣ 2404 тонна маҳсулоти гӯштӣ, 715 тонна равғани растанӣ, 16 тонна маҳсулоти макаронӣ, 26646 адад нушокиҳои сипиртӣ, 34746 адад нушокиҳои ғайриспиртӣ, 634 тонна маҳсулоти қаннодӣ, 24 тонна маҳсулоти ширӣ, 160 тонна консерваҳо, 583 тонна чой, какао, қаҳва, 253 тонна иловагиҳои ғизоӣ, 20 тонна меваю сабзавот ва дигар маҳсулот, ки қисми зиёдашон маҳсулоти воридотӣ ба ҳисоб мераванд, ғайристандартӣ дониста шуда, мутобиқи тартиби муқарраргардида нисбат ба соҳибкорони воридкунанда чораҳои маъмурӣ андешида шудааст”.



Ҳамзамон, агентӣ дар бозори истеъмолӣ маҳсулоти ғайрихӯрокворӣ, аз қабили 120,8 тонна маҳсулоти сохтмонӣ, 3200 метр симноқил, 6653 дона фурӯзонакҳои тафсон, 3040 дона борҷомаҳои қалбакӣ, 1,4 тонна маводи шустушӯӣ, 1512 қуттӣ тамоку, 512 адад хамираи дандоншӯӣ ва собуни хушбӯи ба талаботи ҳуҷҷатҳои меъёрӣ-техникӣ ҷавобгӯ набударо ошкор намуда, аз муомилот боз доштаанд.

- Бо мақсади ҳифзи бозори истеъмолии мамлакат ва воридоти маҳсулоти пастсифату хатарнок, ҳимояи ҳуқуқи истеъмолкунандагон, таъмини риояи ҳуҷҷатҳои меъёрии техникӣ дар раванди гузаронидани назорати давлатӣ дар субъектҳои хоҷагидории ҷумҳурӣ аз ҷониби мутахассисони агентӣ дар 4611 ҳолат барои риоя накардани талаботи ҳуҷҷатҳои меъёрӣ-техникӣ, истифодаи воситаҳои ченаки корношоям, вориду фурӯши муҳсулоти бесифат ва хатарнок ба маблағи умумии 1180920 сомонӣ ҷарима таъин карда шуд, - гуфт И. Қурбониён.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Сентябр 2019 c.