ИҚТИСОД
Шанбе 29 Апрел 2017 02:55
426

Соли 2015 нақшаи андозҳо ва пардохтҳо ба андозаи 101,3% таъмин гардида, ба ҷойи 7 млрд 858,6 млн сомонии пешбинишуда, ба буҷет 7 млрд 961,8 млн сомонӣ ворид карда шуд. Дар ин бора зимни нишасти хабарии Кумитаи андози назди Ҳукумати ҷумҳурӣ иттилоъ дода шуд.

Нусратулло Давлатзода, раиси Кумитаи андоз, гуфт, ки қарзи нисбатан калони андоз ба ширкати “Барқи тоҷик” тааллуқ дошта, ба ҳолати 1 декабри соли 2015 маблағи 142,4 млн. сомониро ташкил медиҳад. “Тибқи тартиби судии маҷбуран ситонидани бақияи қарзи андозҳо 63 баҳси судӣ бо субъектҳои хоҷагидор ба маблағи 131,3 млн. сомонӣ мавриди баррасии судҳои иқтисодӣ қарор гирифта, аз ин ҳисоб ва аз ҳисоби баҳсҳои судие, ки дар соли 2014 ба манфиати буҷет анҷом ёфтаанд, 99,8 млн сомонӣ ба буҷети давлатӣ ворид карда шудааст”, - изҳор дошт Нусратулло Давлатзода.
Зимнан зикр гардид, ки соли 2015 аз тарафи мақомоти андози кишвар 22 566 шахси воқеӣ ва ҳуқуқӣ ба ҷавобгарии маъмурӣ кашида шуда, нисбат ба онҳо ба маблағи 162,5 млн сомонӣ ҷаримаҳои маъмурӣ татбиқ карда шуд.

Эзоҳи худро нависед



Рамзҳо дар расм