ИҚТИСОД
Сешанбе 21 Январ 2025 04:34
МУАЛЛИФ: ТОЛИБШОҲ ДАВЛАТ
– Ҳоло дар шаҳру навоҳии ҷумҳурӣ 51 маркази хизматрасонӣ дар соҳаи техникаи кишоварзӣ фаъолият доранд, ки ба онҳо 196 адад техникаи гуногунтамға ва 919 таҷҳизот вобаста шудааст, – изҳор дошт зимни нишасти матбуотӣ роҳбари корхонаи воҳиди давлатии ҷумҳуриявии «Тоҷикагролизинг» Юсуф Акрамзода.
Тавре ӯ зикр намуд, дар навоҳии Тоҷикобод, Абдураҳмони Ҷомӣ, Вахш ва Восеъ пойгоҳ (база)–ҳои нигоҳдории техникаю таҷҳизот сохта, ба истифода дода шудааст. Ҳамчунин бунёди чунин пойгоҳҳо дар навоҳии Лахш, Шаҳристон ва шаҳри Конибодом дар арафаи анҷомёбист.
«Тоҷикагролизинг» бобати қонеъ намудани талаботи хоҷагии деҳқонӣ бо корхонаҳои ватанӣ ва хориҷӣ як қатор шартномаҳо баста, саъй дорад техникаи лозимаро сари вақт дастрасӣ намояд. Ҳамкориҳо бобати дастрас намудани техникаю таҷҳизот махсусан бо корхонаҳои Федератсияи Русия ва Белорус хеле хуб ба роҳ монда шудааст.
– Имрӯз деҳқон дар масъалаи интихоб ва дастрас намудани техникаи кишоварзӣ соҳибихтиёр аст, – гуфт Ю. Акрамзода. – Вай ҳамон техникаеро дар ихтиёри худ доштан мехоҳад, ки сифати кораш хуб, каммасрафу сермаҳсул бошад. Дар масъалаи дастрас намудани техникаю таҷҳизот ҳатман дархости деҳқононро ба инобат мегирем.
Яке аз масоили басо мухим, ки ҳоло дар соҳаи кишоварзӣ мушоҳида мегардад, намнокшавӣ ва аз истифода берун мондани заминҳои обист.
– Дар ҳақиқат масъалаи намнокшавии заминҳо аз ҳисоби обҳои зеризаминӣ хеле ҷиддӣ гаштааст. Яке аз сабабҳои рӯй додани чунин ҳолат сари вақт ва хушсифат тоза накардани ҷӯю заҳбурҳои обпартост. Ин масъала мавриди омӯзиши мутахассисони корхонаи мо қарор дорад ва мекӯшем бо дастрасии техникаю таҷҳизоти замонавӣ ин проблема ҳалли мусбат ёбад. Роҳбарият ва Ҳукумати кишвар ҷидду ҷаҳди худро ба он равона кардаанд, ки Тоҷикистон аз кишвари аграрию саноатӣ ба кишвари саноатию аграрӣ табдил ёбад. Яъне бо истифодаи ҳарчи бештари техникаю таҷҳизот дар соҳаи кишоварзӣ маҳсулоти соҳаро афзоиш дода, коркард ва тайёр намудани ҳар гуна маҳсулотро дар дохили кишвар ба роҳ монем. Бо ин васила ба хориҷ баровардани маҳсулоти нимтайёр, яъне ашёи хомро кам кунем.
– Ҳоло дар шаҳру навоҳии ҷумҳурӣ 51 маркази хизматрасонӣ дар соҳаи техникаи кишоварзӣ фаъолият доранд, ки ба онҳо 196 адад техникаи гуногунтамға ва 919 таҷҳизот вобаста шудааст, – изҳор дошт зимни нишасти матбуотӣ роҳбари корхонаи воҳиди давлатии ҷумҳуриявии «Тоҷикагролизинг» Юсуф Акрамзода.
Тавре ӯ зикр намуд, дар навоҳии Тоҷикобод, Абдураҳмони Ҷомӣ, Вахш ва Восеъ пойгоҳ (база)–ҳои нигоҳдории техникаю таҷҳизот сохта, ба истифода дода шудааст. Ҳамчунин бунёди чунин пойгоҳҳо дар навоҳии Лахш, Шаҳристон ва шаҳри Конибодом дар арафаи анҷомёбист.
«Тоҷикагролизинг» бобати қонеъ намудани талаботи хоҷагии деҳқонӣ бо корхонаҳои ватанӣ ва хориҷӣ як қатор шартномаҳо баста, саъй дорад техникаи лозимаро сари вақт дастрасӣ намояд. Ҳамкориҳо бобати дастрас намудани техникаю таҷҳизот махсусан бо корхонаҳои Федератсияи Русия ва Белорус хеле хуб ба роҳ монда шудааст.
– Имрӯз деҳқон дар масъалаи интихоб ва дастрас намудани техникаи кишоварзӣ соҳибихтиёр аст, – гуфт Ю. Акрамзода. – Вай ҳамон техникаеро дар ихтиёри худ доштан мехоҳад, ки сифати кораш хуб, каммасрафу сермаҳсул бошад. Дар масъалаи дастрас намудани техникаю таҷҳизот ҳатман дархости деҳқононро ба инобат мегирем.
Яке аз масоили басо мухим, ки ҳоло дар соҳаи кишоварзӣ мушоҳида мегардад, намнокшавӣ ва аз истифода берун мондани заминҳои обист.
– Дар ҳақиқат масъалаи намнокшавии заминҳо аз ҳисоби обҳои зеризаминӣ хеле ҷиддӣ гаштааст. Яке аз сабабҳои рӯй додани чунин ҳолат сари вақт ва хушсифат тоза накардани ҷӯю заҳбурҳои обпартост. Ин масъала мавриди омӯзиши мутахассисони корхонаи мо қарор дорад ва мекӯшем бо дастрасии техникаю таҷҳизоти замонавӣ ин проблема ҳалли мусбат ёбад. Роҳбарият ва Ҳукумати кишвар ҷидду ҷаҳди худро ба он равона кардаанд, ки Тоҷикистон аз кишвари аграрию саноатӣ ба кишвари саноатию аграрӣ табдил ёбад. Яъне бо истифодаи ҳарчи бештари техникаю таҷҳизот дар соҳаи кишоварзӣ маҳсулоти соҳаро афзоиш дода, коркард ва тайёр намудани ҳар гуна маҳсулотро дар дохили кишвар ба роҳ монем. Бо ин васила ба хориҷ баровардани маҳсулоти нимтайёр, яъне ашёи хомро кам кунем.
Хабарҳои дигар
Рӯзнома
Эзоҳи худро нависед