Дар соли 2025 аз ҷониби Агентии назорати давлатии молиявӣ ва мубориза бо коррупсияи Ҷумҳурии Тоҷикистон 1979 ҷинояти коррупсионӣ ва иқтисодии хусусияти коррупсионидошта ошкор гардидааст.

Дар ин хусус Сулаймон Султонзода, раиси Агентӣ имрӯз - 13 февар дар нишасти хабарии ниҳоди зери идорааш хабар дод.

Ба гуфтаи ӯ, аз ин шумора 1207 нафар ҳамчун гумонбар ва айбдоршаванда муайян карда шуда, нисбати 1059 нафар парвандаҳои ҷиноятӣ ба суд ирсол гардидааст. Ӯ зикр кард, ки қисми зиёди ин ҷиноятҳо ба сохторҳои давлатӣ ва соҳаҳои молиявию иқтисодӣ дахл доранд.

Ҳамзамон, зикр гардид, ки танҳо аз ҳисоби таъини ҷаримаҳо ва чораҳои дигари таъсиррасонӣ 19,9 миллион сомонӣ ба буҷет ворид гардид.

Ҳамчунин, дар маҷмуъ, дар соли 2025 маблағи 724,3 миллион сомонӣ ба суратҳисобҳои буҷети давлатӣ барқарор шудааст, ки нисбат ба соли гузашта 340,3 миллион сомонӣ зиёд мебошад.

Ҳамзамон гуфта шуд, ки аз ҷониби мутахассисони Агентӣ 467 тафтишу санҷишҳо гузаронида, ба маблағи 924 млн сомонӣ зарари молиявӣ ошкор гардидааст, ки бо назардошти руёнидани бақияи зарарҳои соли қаблӣ 951, млн сомонӣ, аз ҷумла 704,4 млн сомонӣ ба буҷети давлатӣ ва 246,8 млн сомонӣ ба корхонаву муассисаҳои давлатӣ барқарор карда шудааст.

Фарзонаи УМАРАЛӢ, “ҶТ”