Дар Ҷумҳурии Тоҷикистон дар соли 2024 шумораи корхонаҳои саноатӣ 3774 ададро ташкил додааст.

Дар ин бора имрӯз - 6 феврал Шералӣ Кабир, вазири саноат ва технологияҳои нави кишвар дар нишасти хабарӣ иттилоъ дод.

Зикр гардид, ки аз ин шумораи корхонаҳои таъсисдодашуда нисбат ба соли 2023 330 корхона зиёд мебошад.

Ҳамзамон гуфта шуд, ки соли 2024 740 корхонаю коргоҳи нав (528 корхонаи саноатӣ) бунёд гардида, дар маҷмуъ 18 ҳазору 193 ҷойи кории нав, аз ҷумла дар ВМКБ 43 корхона бо 138 ҷойи корӣ, дар вилояти Суғд 164 корхона бо 1369 ҷойи корӣ, дар ноҳияҳои тобеи марказ 91 корхона бо 28 ҷойи корӣ, дар шаҳри Душанбе 141 корхона бо 2550 ҷойи корӣ ба истифода дода шудааст.

Аз шумораи корхонаҳои навтаъсис дар давраи ҳисоботӣ зиёда аз 134,1 млн сомонӣ маҳсулот истеҳсол гардидааст.

Инчунин иброз гардид, ки дар ин давра шумораи корхонаҳои аз фаъолият бозмонда 74 ададро ташкил дод, ки нисбат ба аввали сол 50 корхона кам шудааст.

Фарзонаи УМАРАЛӢ, “ҶТ”