Дар Донишгоҳи байналмилалии сайёҳӣ ва соҳибкории Тоҷикистон давоми шаш моҳи соли ҷорӣ бо мақсади густариши робитаҳои илмию амалӣ ва таҳкими ҳамкориҳои судманд бо бахшҳои истеҳсоливу хизматрасонӣ бо шумораи зиёди корхонаву ташкилотҳои соҳавӣ созишномаҳои нави ҳамкорӣ ба имзо расонида шуд.

Дар ин хусус Убайдулло Асрорзода, ректори Донишгоҳ зимни нишасти матбуотӣ ба хабарнигорон иттилоъ дода, аз ҷумла қайд намуд, ки ҳамзамон 3 кафедраи Донишгоҳ (фаъолияти бонкӣ, ҳуқуқ ва сайёҳӣ ва бизнеси меҳмондорӣ) намояндагиҳои соҳавии худро таъсис дода, заминаи мусоиди амалӣ барои тақвияти робита бо бозори меҳнат фароҳам оварда шудааст.

Гуфта шуд, ки бо мақсади татбиқи дастуру ҳидоятҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати баланд бардоштани сатҳу сифати хизматрасонӣ, зиёда аз 120 нафар донишҷӯ ба курсҳои омӯзишии "Фарҳанги дастархондорӣ" ҷалб гардида, пас аз омӯзиши касбӣ дар чорабиниҳои муҳими сатҳи ҷумҳуриявӣ ва байналмилалӣ иштирок менамоянд.

Шаҳло ЭШОНОВА, “ҶТ”