Дар соли таҳсили 2025-2026 тибқи иттилои Маркази миллии тестӣ ба Донишкадаи тиббӣ-иҷтимоии Тоҷикистон 892 нафар довталаб қабул шудааст, ки 99,9 фоизи нақшаи қабулро ташкил медиҳад.

Дар ин бора 9 феврал Зарина Ибодзода, ректори Донишкадаи мазкур зимни нишасти матбуотӣ иттилоъ дод.

Ба гуфтаи ӯ, ҳамзамон 60 нафар дар заминаи таҳсилоти миёнаи касбӣ ва 13 нафар дар шакли таҳсилоти дуюм ба донишкада пазируфта шудаанд. Инчунин, 290 нафар шаҳрвандони хориҷӣ ба таҳсил фаро гирифта шудаанд. Дар маҷмӯъ, шумораи қабул дар соли ҷорӣ 1255 нафарро ташкил додааст.

Ҳамчунин, Зарина Ибодзода қайд кард, ки шумораи донишҷӯёни хориҷӣ ба 409 нафар (10,2 фоиз) баробар аст, ки аз онҳо 208 нафар (50,8 фоиз) духтарон ва 201 нафар (49,2 фоиз) писарон мебошанд. Донишҷӯёни хориҷӣ аз 8 давлат - Ҳиндустон, Бангладеш, Маллавӣ, Танзания, Арабистони Саудӣ, Судон, Филиппин ва Нигерия мебошанд. Шумораи онҳо нисбат ба соли 2024-ум 290 нафар зиёд шудааст.

Малика МУҚАДДАМОВА, “ҶТ”