18 июли соли равон дар толори Донишгоҳи давлатии Хуҷанд ба номи академик Бобоҷон Ғафуров ҷамъбасти нимсолаи аввали соли 2016 доир гардид.

Зимни нишасти хабарӣ Анвар Мақсудов, ректори донишгоҳ аз фаъолияти нимсолаи аввали соли 2016 ба ҳозирин маълумот дода, таъкид намуд, ки дар маъракаҳои муҳими сиёсӣ ва фарҳангӣ донишҷӯёни донишгоҳ фаъолона иштирок намуданд.

«Корвони Наврӯзӣ» аз ҷумлаи маракаҳое буд, ки бори аввал доир гардид ва 2000 нафар донишҷӯёни ДДХ ба номи академик Бобоҷон Ғафуров дар он ширкат намуданд.

Иттило дода шуд, ки дар маршировка бахшида ба 25-солаги Истиқлолияти давлатӣ гузаронида мешавад 1300 нафар донишҷӯёни донишгоҳ иштрок мекунанд.

Дар нишасти матбуотӣ А. Мақсудов қайд намуд, ки дар ду соли охир вазифагузорӣ ва талаби дониш аз донишҷӯ зиёд гардид. Ин боис гашт, ки доншҷӯёни донишгоҳ аз пайваст шудан ба равияҳои ифротӣ дур бошанд.