Аз 3 то 11 июл дар шаҳри Ханти-Мансийскии Федератсияи Русия Олимпиадаи байналмилалии “ISPHO” аз фанни физика баргузор гардид, ки дар он панҷ нафар хонандаи тоҷик ширкат варзида, ба гирифтани 2 ҷойи сеюм муваффақ гардиданд.

Дар ин хусус гурӯҳи фейсбукии Сарраёсати маорифи шаҳри Душанбе иттилоъ медиҳад.

Ин олимпиадаи байналмилалӣ, ҳамасола аз ҷониби Ҳукумати Округи Мухтори Ханти-Мансийски-Югра ва Донишкадаи физика ва технологияи Маскав (МФТИ) гузаронида шуда, имсол дар он намояндагони беш аз 20 кишвари олам иштирок намуданд.

Зимнан хонандагоне, ки дар сабқати мазкур сазовори ҷойи сеюм гардиданд, Салимов Ҳасан ва Ғуломзода Ҳусейн, хонандагони Муассисаи давлатии таълимии Литсей барои хонандагони болаёқат дар шаҳри Душанбе мебошанд.

Гулафшон КАРИМОВА, “ҶТ”