Дар шаҳри Душанбе ҷаласаи гурӯҳи кории Озмуни ҷумҳуриявии “Илм - фурӯғи маърифат” баргузор гардид.

Дар ин хусус маркази матбуоти Вазорати маориф ва илми Ҷумҳурии Тоҷикистон хабар додааст.

Тибқи иттилоъ, озмун тибқи Амри Президенти Ҷумҳурии Тоҷикистон аз 1 январи соли 2026 зери назорат ва сарпарастии Пешвои миллат баргузор шуда, дар он хонандагон, донишҷӯён, магистрантон, докторантон (PhD), кормандони илмӣ ва дигар қишрҳои ҷомеаи ба фаъолияти илмӣ сарукордошта ҳуқуқи иштирок карданро доранд.

Озмун бо мақсади рушди тафаккури техникӣ, тақвияти ҷаҳонбинии илмӣ, тавсеаи ихтироъкорӣ ва навоварӣ гузаронида мешавад.

Ҳамчунин, зимни ҷаласа тағйиру иловаҳо ба Низомномаи Озмуни ҷумҳуриявии “Илм- фурӯғи маърифат” дар соли 2026 баррасӣ шуд.

Дар охир доир ба раванди ташкиливу методии баргузории даврҳои озмун таъмини шаффофият, баланд бардоштани сифат ва ҳамоҳангсозии фаъолияти ҳайати ҳакамон табодули афкор сурат гирифт.

Шаҳноза АЗИМОВА, “ҶТ”