Агентии назорат дар соҳаи маориф ва илми назди Президенти Ҷумҳурии Тоҷикистон соли 2025 дар 846 муассисаи таълимии зинаҳои таҳсилоти умумӣ, таҳсилоти ибтидоӣ, миёна ва олии касбӣ аттестатсияи давлатӣ ва санҷиши сатҳу сифати таҳсилот гузаронидааст. Дар натиҷаи санҷишҳо муайян шудааст, ки дар бештаре аз муассисаҳои таълимӣ сифати дониш ва сатҳи донишазхудкунӣ паст гардидааст.

Дар ин хусус 4-уми феврал Саидзода Муҳаммадтоир, директори Агентӣ дар нишасти хабарӣ иттилоъ дод.

Ба гуфтаи раиси Агентӣ, зимни гузаронидани санҷиш муайян гардид, ки омилҳои паст будани сатҳу сифати таълим дар муассисҳои таълимӣ гуногунанд.

Инчунин ӯ гуфт, зимни санҷиш муайян гардид, дар самти сатҳу сифат дар ҳайати омӯзгорон ҳанӯз ҳам мушкилот ҷой дорад. Аз ҷумла, дар асоси гузаронидани аттестатсия давлатӣ дар 374 муассисаи таҳсилоти умумӣ як қатор мушкилиҳо муайян гардид.

- Зимни санҷиш муайян гардид, ки аз теъдоди ҳамагӣ 31,6% дорои дараҷаи тахассуси олӣ, 21,9% дорои дараҷаи тахассуси якум, 16% дорои дараҷаи тахассуси дуюм ва боқимонда бидуни тахассус фаъолият мекунанд,- баён дошт М. Саидзода.

Фарзонаи УМАРАЛӢ, “ҶТ”