Имрӯз - 14 ноябр дар толори Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи Президенти Ҷумҳурии Тоҷикистон чорабинии фарҳангӣ доир гардид.

Дар ин хусус аз Кумитаи кор бо ҷавонон хабар доданд.

Дар чорабинӣ Зулфиқор Гулаҳмадзода, раиси Кумитаи кор бо ҷавонон ва варзиш, муовинони раиси Кумита, шунавандагони курси омӯзишии “Пайравони Пешвои миллат”, роҳбарони маҳфилҳои назди Кумита ва волонтёрон иштирок доштанд.

Зимни чорабинӣ аз сиёсати хирандмандона ва нақши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар таҳкими сулҳ, ваҳдат ва рушди устувори иқтисодии кишвар гуфта шуд.

Дар фарҷом таъкид шуд, ки чорабинӣ дар фазои дӯстӣ, ҳурмат ва арҷгузорӣ ба арзишҳои миллӣ баргузор гардида, барои шунавандагон ҳамчун як таҷрибаи муҳими фарҳангӣ ва маънавӣ хизмат намуд.

Гулафшон КАРИМОВА,“ҶТ”