29 октябр, дар бинои Маркази фарҳангӣ ва тиҷоратии “Борис Ельцин”-и вилояти Свердловски Федератсияи Русия вобаста ба муаррифии иқтидори сайёҳии Ҷумҳурии Тоҷикистон ҳамоиш баргузор гардид. Дар ин бора Кумитаи рушди сайёҳии назди Ҳукумати Ҷумҳурии Тоҷикистон иттилоъ медиҳад.

Тибқи маълумот, дар ҷамъомади мазкур имконияту шароити маконҳои таърихию сайёҳии Тоҷикистон тариқи рӯнамо муаррифӣ шуданд.

Ширкатҳои сайёҳии ду ҷониб вохӯрӣ намуда, оид ба рушди ҳамкории соҳаи сайёҳӣ шартнома ба имзо расониданд.

Маврид ба ёдоварист, ки сафари намояндагони Тоҷикистон бо мақсади густариши ҳамкории сайёҳӣ байни Тоҷикистон ва Русия то 31 октябр идома хоҳад ёфт.

Шаҳодат ХОЛОВА, "ҶТ"