СИЁСАТ
Шанбе 20 Апрел 2024 02:59
Имрӯз, 31 август, Пешвои миллат, Президенти ҷумҳурӣ, муҳтарам Эмомалӣ Раҳмон дар доираи сафари корӣ ба ноҳияи Данғараи вилояти Хатлон чанд иншоотро ба истифода дода, ба сохтмони чанд иншооти дигар оғоз бахшид.
Сарвари давлат нахуст дар расми мавриди баҳрабардорӣ қарор додани навбати аввали Маҷмааи нассоҷии ҶСП «Ҷунтай Данғара Син Силу Текстил» иштирок намуд. Корхона аз чор марҳилаи истеҳсолӣ, аз ҷумла ресандагию бофандагӣ ва рангуборкунию дузандагӣ иборат мебошад ва иқтидори умумии истеҳсолии он ба коркарди 52 ҳазор тонна нахи пахта ва истеҳсоли 150 млн. метри мураббаъ матоъи пахтагӣ дар як сол баробар аст. Дар сурати фаъол гардидан бо иқтидори пурра зиёда аз 6 ҳазор нафар бо ҷойи кор таъмин мешаванд.
Ин маҷмааи нассоҷӣ дар ҳамкорӣ бо сармоягузорону мутахассисони Ҷумҳурии Мардумии Чин бунёд шуда, коргоҳҳои алоҳидаи дорои навтарин технологияи коркарди пахта ва истеҳсоли маҳсулот аз ширкатҳои шуҳратманду ҷаҳонии ШМА, Италия, Шветсария, Олмон ва Чин мебошад. Дар навбати аввал беш аз 15 ҳазор тонна нахи пахта коркарди саноатӣ шуда, зиёда аз 600 нафар ба ҷойи кори доимӣ таъмин мегарданд.
Сарвари давлат зимни шиносоӣ бо корҳои истеҳсолӣ дар маҷмааи нассоҷӣ аз масъулини дахлдор истифодаи самарноки таҷҳизоти корӣ, коркарди босифати нахи пахта ва истеҳсоли маҳсулоти дар бозори ҷаҳонӣ рақобатпазирро тақозо намуд. Бо мақсади таъмини корхона бо ашёи хоми маҳаллӣ, аз ҷумла пахтаи аълосифат айни замон бо дастгирии Ҳукумати мамлакат дар асоси нақшаи бунёди маҷмааи имрӯза беш аз 14,5 ҳазор гектар замин ҷудо гардидааст, ки дар он барои таъмини корхона кишти пахта ба роҳ монда мешавад. Ҳамчунин дар чанд ноҳияи дигари вилояти Хатлон, ки дар ҳудуди онҳо заминҳо барои кишти пахта вобаста карда шудаанд, бунёди корхонаҳои пахтатозакунӣ дар назар дошта шудааст.
Баъди шиносоӣ бо сифати корҳои сохтмони маҷмаа, таҷҳизоту технологияҳо ва раванди истеҳсолот Пешвои миллат, муҳтарам Эмомалӣ Раҳмон дар ҳузури мардуми ҷамъомада ва аҳли заҳмати корхона суханронӣ кард. Таъкид шуд, ки рушди саноати сабук, аз ҷумла соҳаҳои бофандагиву дӯзандагӣ ва коркарди ниҳоии ашёи хом аз самтҳои афзалиятноку ояндадори иқтисоди миллӣ ба шумор рафта, ба роҳ мондани фаъолияти мунтазами чунин корхонаҳо ба таъмини эҳтиёҷоти аҳолӣ бо молҳои саноатӣ, муҳайёсозии даҳҳо ҳазор ҷойи кории нав ва афзоиши буҷети давлатӣ мусоидат менамояд. Зикр шуд, ки ҳар сол дар кишвар 100-120 ҳазор тонна нахи пахта истеҳсол гардида, аз он 10-12 ҳазор тонна дар дохил коркард мегардад ва боқимонда ҳамчун ашёи хом ба хориҷа содирот шуда, ҳамчунин беш аз 80 фоизи маҳсулоти дӯзандагӣ ба Тоҷикистон аз хориҷи кишвар ворид карда мешавад. Марҳилаи аввали Маҷмааи нассоҷии ҶСП «Ҷунтай Данғара Син Силу Текстил» аз ин баъд шароит фароҳам меоварад, то сармоягузорони дохиливу хориҷӣ бо истифода аз имкониятҳои васеъ дар самти коркарди ашёи хоми ватанӣ фаъолтар кор кунанд.
Дар маркази ноҳияи Данғара Президенти ҷумҳурӣ, муҳтарам Эмомалӣ Раҳмон дар вазъияти тантанавӣ маҷмааи муҳташами варзиширо ифтитоҳ намуд. Он аз 4 ошёна иборат буда, масоҳати умумии майдони он 14 ҳазору 253 метри мураббаъро ташкил медиҳад. Сарвари давлат дар ошёнаи якум бо шароити машқу тамрин ва толорҳои баргузории мусобиқаҳои намуди гуштин, каратэ, гуштини ҷудо ва гимнастика шинос шуд. Дар ошёнаи дуюм толори калони варзиши универсиалӣ бо 2 ҳазору 148 ҷой нишаст барои тамошобинон, утоқҳои кори мураббиён ва дигар иншооти ёрирасон омода гардидааст. Дар ошёнаҳои сеюму чорум бошад, утоқҳои меҳмонони олимақом, доварон, нуқтаи ёрии тиббӣ, толори хурд ва дигар марказҳои фароғатӣ бунёд гардидааст. Идораҳои маъмурӣ, ҷойи либосовезӣ, қаҳвахона, хонаҳои қабули меҳмонон, нуқтаи ташхиси маводҳои допингӣ аз ҷумлаи имконоти дигари муосири ин маҷмааи варзишӣ мебошанд. Дар ин ҷо ҳамчунин барои шореҳони варзиш утоқҳои махсус бо дастгоҳҳои наворбардорӣ ва таҷҳизоти тақвияти овоз сохта шудааст.
Президенти мамлакат дар шафати маҷмааи варзишӣ барои бунёди меҳмонхонаи муосири “Дарё-2015” санги асос гузошт. Бинои меҳмонхона аз 11 ошёна иборат хоҳад буд ва он дар масоҳати 0,3 гектар бунёд мегардад. Дар он 304 ҳуҷраи барҳаво, 3 маҷлисгоҳ бо 250 ҷойи нишаст, 6 тарабхона, кошонаи ҳусн, ҳамом сохта шуда, дар боми бино бошад, тарабхона ва қаҳвахона ҷойгир мешавад. Масоҳати умумии меҳмонхона, ки аз аквапарк, майдони футбол, баскетбол, волейбол, ҳавзи калони шиноварӣ, боғи кӯдакона ва таваққуфгоҳ иборат хоҳад буд, 4,2 гектарро ташкил медиҳад.
Дар идомаи сафари корӣ Пешвои миллат, муҳтарам Эмомалӣ Раҳмон дар маркази ноҳияи Данғара бо гузоштани санги асос ва нома ба наслҳои оянда ба сохтмони бинои Донишгоҳи давлатии тиббии Хатлон ва беморхонаи бисёрсоҳавӣ оғози расмӣ бахшид. Иттилоъ дода шуд, ки ҳамаи иншооти Донишгоҳи давлатии тиббии Хатлон бо маблағгузории Ҳукумати мамлакат дар майдони беш аз 23 гектар марҳила ба марҳила бунёд карда мешавад. Тибқи лоиҳа дар ин ҷо беш аз 15 бино ва дигар иншооти ёрирасон, аз ҷумла бинои асосӣ, чор бинои таълимӣ, ду хобгоҳ барои донишҷӯён ва як хобгоҳ барои омӯзгорон, се толори лексионӣ, ошхона, толору майдончаи варзишӣ, ҳавзи шиноварӣ ва як дармонгоҳи замонавӣ бо тарҳи ҷадид ва мутобиқ ба стандартҳои ҷаҳонии сохтмону меъморӣ бунёд гардида, бо пешрафтатарин дастгоҳу таҷҳизот ва ашёи илмомӯзӣ муҷаҳҳаз карда хоҳад шуд. Бинои асосии донишгоҳ, ки 9 ошёнаро дар бар мегирад, дар зарфи қариб ду сол бо сифати баланд сохта мешавад.
Ёдовар мешавем, ки соли равон ҷиҳати таъмин намудани муассисаҳои тандурустии вилоят бо кадрҳои баландихтисоси соҳа бо қарори Ҳукумати мамлакат Донишгоҳи давлатии тиббии Хатлон таъсис дода шуд.
Дар мавзеи бунёди донишгоҳ, ҳамзамон корҳои сохтмонӣ дар Коллеҷи тиббии ноҳияи Данғара ва беморхонаи касалиҳои сироятӣ оғоз гардида, бомаром пеш меравад.
Сарвари давлат нахуст дар расми мавриди баҳрабардорӣ қарор додани навбати аввали Маҷмааи нассоҷии ҶСП «Ҷунтай Данғара Син Силу Текстил» иштирок намуд. Корхона аз чор марҳилаи истеҳсолӣ, аз ҷумла ресандагию бофандагӣ ва рангуборкунию дузандагӣ иборат мебошад ва иқтидори умумии истеҳсолии он ба коркарди 52 ҳазор тонна нахи пахта ва истеҳсоли 150 млн. метри мураббаъ матоъи пахтагӣ дар як сол баробар аст. Дар сурати фаъол гардидан бо иқтидори пурра зиёда аз 6 ҳазор нафар бо ҷойи кор таъмин мешаванд.
Ин маҷмааи нассоҷӣ дар ҳамкорӣ бо сармоягузорону мутахассисони Ҷумҳурии Мардумии Чин бунёд шуда, коргоҳҳои алоҳидаи дорои навтарин технологияи коркарди пахта ва истеҳсоли маҳсулот аз ширкатҳои шуҳратманду ҷаҳонии ШМА, Италия, Шветсария, Олмон ва Чин мебошад. Дар навбати аввал беш аз 15 ҳазор тонна нахи пахта коркарди саноатӣ шуда, зиёда аз 600 нафар ба ҷойи кори доимӣ таъмин мегарданд.
Сарвари давлат зимни шиносоӣ бо корҳои истеҳсолӣ дар маҷмааи нассоҷӣ аз масъулини дахлдор истифодаи самарноки таҷҳизоти корӣ, коркарди босифати нахи пахта ва истеҳсоли маҳсулоти дар бозори ҷаҳонӣ рақобатпазирро тақозо намуд. Бо мақсади таъмини корхона бо ашёи хоми маҳаллӣ, аз ҷумла пахтаи аълосифат айни замон бо дастгирии Ҳукумати мамлакат дар асоси нақшаи бунёди маҷмааи имрӯза беш аз 14,5 ҳазор гектар замин ҷудо гардидааст, ки дар он барои таъмини корхона кишти пахта ба роҳ монда мешавад. Ҳамчунин дар чанд ноҳияи дигари вилояти Хатлон, ки дар ҳудуди онҳо заминҳо барои кишти пахта вобаста карда шудаанд, бунёди корхонаҳои пахтатозакунӣ дар назар дошта шудааст.
Баъди шиносоӣ бо сифати корҳои сохтмони маҷмаа, таҷҳизоту технологияҳо ва раванди истеҳсолот Пешвои миллат, муҳтарам Эмомалӣ Раҳмон дар ҳузури мардуми ҷамъомада ва аҳли заҳмати корхона суханронӣ кард. Таъкид шуд, ки рушди саноати сабук, аз ҷумла соҳаҳои бофандагиву дӯзандагӣ ва коркарди ниҳоии ашёи хом аз самтҳои афзалиятноку ояндадори иқтисоди миллӣ ба шумор рафта, ба роҳ мондани фаъолияти мунтазами чунин корхонаҳо ба таъмини эҳтиёҷоти аҳолӣ бо молҳои саноатӣ, муҳайёсозии даҳҳо ҳазор ҷойи кории нав ва афзоиши буҷети давлатӣ мусоидат менамояд. Зикр шуд, ки ҳар сол дар кишвар 100-120 ҳазор тонна нахи пахта истеҳсол гардида, аз он 10-12 ҳазор тонна дар дохил коркард мегардад ва боқимонда ҳамчун ашёи хом ба хориҷа содирот шуда, ҳамчунин беш аз 80 фоизи маҳсулоти дӯзандагӣ ба Тоҷикистон аз хориҷи кишвар ворид карда мешавад. Марҳилаи аввали Маҷмааи нассоҷии ҶСП «Ҷунтай Данғара Син Силу Текстил» аз ин баъд шароит фароҳам меоварад, то сармоягузорони дохиливу хориҷӣ бо истифода аз имкониятҳои васеъ дар самти коркарди ашёи хоми ватанӣ фаъолтар кор кунанд.
Дар маркази ноҳияи Данғара Президенти ҷумҳурӣ, муҳтарам Эмомалӣ Раҳмон дар вазъияти тантанавӣ маҷмааи муҳташами варзиширо ифтитоҳ намуд. Он аз 4 ошёна иборат буда, масоҳати умумии майдони он 14 ҳазору 253 метри мураббаъро ташкил медиҳад. Сарвари давлат дар ошёнаи якум бо шароити машқу тамрин ва толорҳои баргузории мусобиқаҳои намуди гуштин, каратэ, гуштини ҷудо ва гимнастика шинос шуд. Дар ошёнаи дуюм толори калони варзиши универсиалӣ бо 2 ҳазору 148 ҷой нишаст барои тамошобинон, утоқҳои кори мураббиён ва дигар иншооти ёрирасон омода гардидааст. Дар ошёнаҳои сеюму чорум бошад, утоқҳои меҳмонони олимақом, доварон, нуқтаи ёрии тиббӣ, толори хурд ва дигар марказҳои фароғатӣ бунёд гардидааст. Идораҳои маъмурӣ, ҷойи либосовезӣ, қаҳвахона, хонаҳои қабули меҳмонон, нуқтаи ташхиси маводҳои допингӣ аз ҷумлаи имконоти дигари муосири ин маҷмааи варзишӣ мебошанд. Дар ин ҷо ҳамчунин барои шореҳони варзиш утоқҳои махсус бо дастгоҳҳои наворбардорӣ ва таҷҳизоти тақвияти овоз сохта шудааст.
Президенти мамлакат дар шафати маҷмааи варзишӣ барои бунёди меҳмонхонаи муосири “Дарё-2015” санги асос гузошт. Бинои меҳмонхона аз 11 ошёна иборат хоҳад буд ва он дар масоҳати 0,3 гектар бунёд мегардад. Дар он 304 ҳуҷраи барҳаво, 3 маҷлисгоҳ бо 250 ҷойи нишаст, 6 тарабхона, кошонаи ҳусн, ҳамом сохта шуда, дар боми бино бошад, тарабхона ва қаҳвахона ҷойгир мешавад. Масоҳати умумии меҳмонхона, ки аз аквапарк, майдони футбол, баскетбол, волейбол, ҳавзи калони шиноварӣ, боғи кӯдакона ва таваққуфгоҳ иборат хоҳад буд, 4,2 гектарро ташкил медиҳад.
Дар идомаи сафари корӣ Пешвои миллат, муҳтарам Эмомалӣ Раҳмон дар маркази ноҳияи Данғара бо гузоштани санги асос ва нома ба наслҳои оянда ба сохтмони бинои Донишгоҳи давлатии тиббии Хатлон ва беморхонаи бисёрсоҳавӣ оғози расмӣ бахшид. Иттилоъ дода шуд, ки ҳамаи иншооти Донишгоҳи давлатии тиббии Хатлон бо маблағгузории Ҳукумати мамлакат дар майдони беш аз 23 гектар марҳила ба марҳила бунёд карда мешавад. Тибқи лоиҳа дар ин ҷо беш аз 15 бино ва дигар иншооти ёрирасон, аз ҷумла бинои асосӣ, чор бинои таълимӣ, ду хобгоҳ барои донишҷӯён ва як хобгоҳ барои омӯзгорон, се толори лексионӣ, ошхона, толору майдончаи варзишӣ, ҳавзи шиноварӣ ва як дармонгоҳи замонавӣ бо тарҳи ҷадид ва мутобиқ ба стандартҳои ҷаҳонии сохтмону меъморӣ бунёд гардида, бо пешрафтатарин дастгоҳу таҷҳизот ва ашёи илмомӯзӣ муҷаҳҳаз карда хоҳад шуд. Бинои асосии донишгоҳ, ки 9 ошёнаро дар бар мегирад, дар зарфи қариб ду сол бо сифати баланд сохта мешавад.
Ёдовар мешавем, ки соли равон ҷиҳати таъмин намудани муассисаҳои тандурустии вилоят бо кадрҳои баландихтисоси соҳа бо қарори Ҳукумати мамлакат Донишгоҳи давлатии тиббии Хатлон таъсис дода шуд.
Дар мавзеи бунёди донишгоҳ, ҳамзамон корҳои сохтмонӣ дар Коллеҷи тиббии ноҳияи Данғара ва беморхонаи касалиҳои сироятӣ оғоз гардида, бомаром пеш меравад.
Хабарҳои дигар
Рӯзнома
Эзоҳи худро нависед