СИЁСАТ
Шанбе 28 Ноябр 2020 04:26
7572
Дар ҳаёти ҷомеа касе, ки хиёнаткор аст, бахшидани ӯ норавост. Ин гуна афрод дар ҳама ҷо хиёнат мекунад, оромии мамлакатро вайрон ва ба хунрезӣ асос мегузорад. Хиёнаткорони халқи тоҷик дар давлатҳои ҳамсоя истода, ба Ватани худ санг мепартоянд. Барои ҳамин аз ҳамсоядавлатҳо эҳтиромона талаб менамоям, ки аъзои ТЭТ ҲНИ-ро ба Ҳукумати Тоҷикистон супоранд. Як мисоли оддӣ, дар филми "Хиёнат" фаъолияти вайронкории аъзои ТЭТ ҲНИ ва сарвари он Кабирӣ ва хиёнаткорони дигар ҳаматарафа, ба таври мушаххас кушода шудааст.

Камина ҳамчун иштирокчии Иҷлосияи тақдирсози ХУ1 Шӯрои Олии Тоҷикистон таклиф мекардам, ки филми мазкур ба дигар забонҳо тарҷума шавад. Чунки мардуми ҷаҳон аз фаъолияти вайронкоронаи ТЭТ ҲНИ, кӯрнамакии Кабирӣ ва дигар хиёнаткорон хабардор шуда, баъзе давлатҳо ва ташкилотҳои гуногуни хориҷӣ ба онҳо ёрии кӯр-кӯрона нарасонанд.

Ҳамчунин, дар филм мақсади созандагию бунёдкории мардуми тоҷик барои пешрафти давлати соҳибистиқлоли хеш ҳамчун хати сурх нишон дода шудааст. Аз тамошои филм хулоса баровардан мумкин аст, ки наҳзатиҳои аз номи дин фаъолият намуда, бо амалҳои вайронкоронаи худ моҳияти дини муқадаси Исломро сиёҳ ва бар зидди мазҳаби адолатпешаи Абу Ҳанифа мубориза мебаранд.

Хулоса дар филми "Хиёнат" мақсад, роҳи мубориза, восита ва амалиётҳои вайронкоронаи ТЭТ ҲНИ ва дигар душманони миллати тоҷик бо далелҳои исботкунанда фош шудааст.

Сафар ЭРКАЕВ,
иштирокчии Иҷлосияи ХVI,
дотсенти ДДХ ба номи академик
Б. Ғафуров

Эзоҳи худро нависед



Рамзҳо дар расм