СИЁСАТ
Ҷумъа 07 Август 2020 05:20
7111
Касе, ки хиёнат кардааст, набояд бахшид. Душман дар ҳама ҷо хиёнат мекунад ва оромии кишварро вайрон кардан мехоҳад. Барои ҳамин ҳам, ман аз ҳамсоядавлатҳо эҳтиромона хоҳиш менамоям, ки аъзои ТЭТ ҲНИ-ро дар ҳудуди ИДМ фаъолияташ ғайриқонунӣ эълон карда шудааст, ба ҳукумати қонунии Ҷумҳурии Тоҷикистон супоранд. Дар филми “Хиёнат”, ки ба воситаи телевизионҳои давлатӣ ва шабакаҳои иҷтимои намоиш дода шуд, фаъолияти вайронкории аъзои ТЭТ ҲНИ ва сарвари он Кабирӣ, ваҳҳобиҳо ва ғайра ҳамаҷониба бо мисолҳои исботкунанда таҳлил карда шудааст.

Ин гурӯҳҳои мухолифин фаъолияти ободкорию созандагӣ, ташвиқотчигӣ, ташаббускорӣ ва бунёдкории Сарвари давлат Эмомалӣ Раҳмонро дида наметавонанд ва дидан ҳам намехоханд.

Ман ҳамчун иштирокчии Иҷлосияи ХVI Шӯрои Олии Ҷумҳурии Тоҷикистон, таклиф мекардам, ки кинофилми “Хиёнат” ба забонҳои ӯзбекӣ, англисӣ ва дигар забонҳо тарҷума карда шавад. Барои он ки тамоми мардуми ҷаҳон аз фаъолияти вайронкоронаи ТЭТ ҲНИ-и Кабирӣ ва дигар хиёнаткорон тезтар хабардор шуда, хулосаи боадолатона бароварда, баъзе давлатҳои ҳамсоя, ташкилотҳои махсуси хориҷӣ ба онҳо ёрии кӯркӯрона намекарданд.

Баъд аз тамошои кинофилм ақидаҳои худро чунин баён мекунам:

1. Дар филми “Хиёнат” бо фактҳои исботкунанда фаъолияти собиқ вакили мардумии Маҷлиси намояндагони ҶТ, ТЭТ ҲНИ, ақидаҳои онҳо ва ваҳҳобиҳо фош карда шудааст.

2. ҲНИ дар асосии ёрии баъзе аз давлатҳои хориҷӣ, бар зидди фаъолияти созандагии халқи тоҷик бархоста, аз маблағи хориҷиён истифода бурданашон дар филми мазкур исбот шудааст.

3. Дар филм мақсади созандагию бунёдкорӣ, ташкилотчигию ташаббускории халқи тоҷик барои бунёди давлати соҳибистиқлоли тоҷикон ҳамчун хати сурх нишон дода шудааст.

4. Кинофилм тарафдорони ТЭТ ҲНИ, Алянспаймон ва дигар террористоне, ки аз номи дини ислом фаъолият бурда, ба вайронкории худ моҳияти дини муқаддаси исломро сиёҳ мекунанд ва бар зидди ҷараёни боадолатонаи Абӯҳанифа мубориза мебаранд, исбот кардааст.

5. Кинофилм чашми роҳгумзадагонро мекушояд, яъне филм метавонад онҳоро водор созад, ки ба Ватан баргарданд ва баҳри созандагии кишвари азизамон саҳмгузор бошанд.

Филми “Хиёнат” аҳамияти калони тарбиявию таърихӣ дорад. Созандагони он бо факту рақамҳо исбот кардаанд, ки ваҳдати миллӣ, қувваи ягонагӣ, ҷамъиятию сиёсӣ, ободу озодии давлати соҳибистиқлолии Ҷумҳурии Тоҷикистонро таъмин карда, ватанро бо Пешвои муаззами миллат, Эмомалӣ Раҳмон бо қуллаҳои баланди инкишоф мерасонанд. Филми мазкур шояд чашми давлатҳо ва ташкилотҳои байналмилалие, ки ба ТЭТ ҲНИ, паймон ва дигар душманон ёрии ҳаматарафа мекунад, кушояд. Зеро хиёнати онҳо ба таъмини бехатарии ҷаҳон ҳам зарар меорад.

Сафар ЭРКАЕВ,
устоди ДДХ ба номи
академик Б. Ғафуров

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Август 2020 c.