СИЁСАТ
Ҷумъа 03 Июл 2020 08:44
7071
Имрӯз таҳти раёсати раиси Маҷлиси намояндагони Маҷлиси Олии Ҷумҳурии Тоҷикистон Зокирзода Маҳмадтоир Зоир, ҷаласаи навбатии Маҷлиси намояндагони Маҷлиси Олии Ҷумҳурии Тоҷикистон даъвати шашум баргузор гардид.

Дар ҷаласаи зикргардида оид ба як қатор лоиҳаҳои қонунҳои амалкунандаи кишвар қарорҳои дахлдор қабул карда шуд.

Аз ҷумла, лоиҳаи Қонуни Ҷумҳурии Тоҷикистон “Оид ба ворид намудани тағйиру иловаҳо ба Қонуни Ҷумҳурии Тоҷикистон “Дар бораи бонки миллии Тоҷикистон” дар ҷаласаи зикргардида мавриди барраси қарор гирифт.

Раиси Бонки милли Ҷумҳурии Тоҷикистон Нурмаҳмадзода Ҷамшед дар ин ҷаласа баромад карда, иброз дошт, ки лоиҳаи Қонуни Ҷумҳурии Тоҷикистон “Оид ба ворид намудани тағйиру иловаҳо ба Қонуни Ҷумҳурии Тоҷикистон “Дар бораи Бонки миллии Ҷумҳурии Тоҷикистон” ҷиҳати иҷрои банди 66-уми нақшачорабиниҳо доир ба иҷроиши дастуру супоришҳои Президенти кишвар муҳтарам Эмомалӣ Раҳмон, ки дар мулоқот бо кормандони молия, андоз, гумрук ва бонкҳо, 10-уми майи соли 2019 баён доштанд, пешниҳод карда мешавад.

-Дар ин мулоқот Президенти кишвар бо ишора ба ҳолатҳои мушаххас, дар амалияи низоми бонкӣ, ки боиси мушкилиҳо гардидааст, эродҳо гирифта, зарурати андешидани чораҳоро доир ба масъалаҳои таъмини шафофияти даромаднокии кормандони бонкҳо ва пешгирии фаъолияти якҷояи хешу таборро махсус қайд карданд,-гуфт раиси Бонки миллӣ.- Дар робита ба эродҳои Президенти мамлакат ба лоиҳаи қонуни мазкур ба моддаи 79-и қонуни амалкунандаи Қонуни Ҷумҳурии Тоҷикистон “Дар бораи Бонки миллии Тоҷикистон” қисмҳои 9 ва 10 илова гардид. Уҳдадориҳои кормандони Бонки миллӣ оид ба пешниҳоди маълумоти даромадҳои иловагии худ ба Боки милли Тоҷикистон, пешниҳоди эъломия доир ба вазъи молу мулк ва даромадҳои худ тибқи тартиби муқаррарнамудаи қонунгузории Ҳукумати Ҷумҳурии Тоҷикистон пешбинӣ карда шуд.

Ҳамчунин доир ба лоиҳаи қонуни мазкур гуфта шуд, бо иловаи қисми 6 ба модаи 80 фаъолияти якҷояи хешу табори наздик, ки доираи онҳо мушаххас пешбинӣ карда шудааст, дар Бонки миллӣ иҷозат дода намешавад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.