СИЁСАТ
Шанбе 26 Сентябр 2020 12:28
7043
Аз замоне, ки ҳукуматдорони Чин ширкатҳои калони кишоварзии мамлакати худро муваззаф намуданд, ки хариди як қатор маҳсулотро аз деҳқонони амрикоӣ маҳдуд созанд, ҳар ду кишвар дар остонаи муноқишаҳои тиҷоратӣ қарор доранд. Дар ин хусус хабарнигории Blomberg иттилоъ додааст. Сабаб таҳдиди ҷониби Амрико бобати ҷорисозии таҳримот нисбати Чин дар масъалаи Ҳонконг дониста мешавад.

Чунин мухолифат замоне сурат мегирад, ки оламро хатари коронавирус ҳамоно тарк накардаю дар ИМА роҳпаймоию эътирозҳои густурда идома дорад. Эътирозҳое, ки на танҳо Амрико, балки саросари оламро фаро гирифтааст.

Тавре воситаҳои ахбори омма иттилоъ доданд, охирҳои моҳи май дар шаҳри Миннеаполис, вилояти Миннесота шаҳрванди сиёҳпӯсти амрикоӣ Ҷорд Флойд ҳангоми дастгиркунӣ аз дасти корманди полис фавтид. Видеотасвири лаҳзаҳои охири ҳаёти ин мардро сокинони сайёра дар ақсои олам бо чашми сар дида, зуҳуроти номатлуби нажодпарастиро сахт маҳкум карданд. Пас аз фавти Флойд, рӯзи дигар дар ҷойи рухдодаи ҳодиса ҳаракати ҷамъиятӣ зери шиори “Black Lives Malter” (Ҳаёти сиёҳпӯстон муҳим аст) роҳандозӣ шуд.

Аз соли 2016 то кунун дар ИМА ин калонтарин эътироз ва бетартибиҳо ҳисоб ёфта, то 150 шаҳрҳои калони ин мамлакатро фаро гирифтааст. Дар як қатор шаҳрҳо вақти комендантӣ ҷорӣ гардид. Чорабиниҳои осоиштаи оммавӣ ба бетартибию ғоратгарӣ табдил ёфт. Иштирокчиёни намоишҳо изҳор доштаанд, ки рӯзона намоишҳо оромона ҷараён гирифта, пас аз шом ғоратгарон ба амалҳои ношоистаи худ даст мезананд.

Президент Доналд Трамп фармоиш додааст, ки ба шаҳри Вашингтон ҳазорҳо ҳарбиёни саропо мусаллаҳ ва кормандони мақомоти ҳифзи ҳуқуқ ворид карда шаванд, то пеши роҳи намоишҳои паҳлуи қасри Сафед гирифта шавад. Ӯ изҳор доштааст, ки ин ҳаракат (“Black Lives Malter”)-ро ба рӯйхати ташкилоти ифротӣ ворид намуда, масъулияти бетартибиҳоро дар Миннеаполис ба дӯши “анархистони чапгарои радикалӣ” мегузорад. Ҳамчунин, Трамп ваъда додааст, ки агар губернаторони вилоятҳо ва мирони шаҳрҳо вазъиятро зери назорат нагиранд, ба он ҷойҳо низ артиш мефиристад.

Баҳри барҳам додани бетартибиҳо беш аз 17 ҳазор сарбозони горди миллӣ сафарбар шудаанд. Пас аз куштори ҳомии ҳуқуқ, сиёҳпӯст Мартин Лютер Кинг дар соли 1968, ки боиси рух додани бетартибиҳои оммавӣ шуда буд, чунин чораро дар ИМА то кунун роҳандозӣ накардаанд.

Баҳри парешонсозии намоишҳо полис аз тирҳои резинӣ ва гази ашковар истифода мебарад. Дар як қатор шаҳрҳо кормандони полис ба нишони ҳамраъйӣ бо намоишгарон, назди эшон ба зону мешинанд. Дар вилояти Мичиган бошад, ба сафи намоишгарон ҳатто сардори полис пайваст шуд. Дар рафти намоишҳо дар ИМА беш аз чор ҳазор нафар боздошт шудааст.

Дар заминаи намоишҳои эътирозӣ миллиардери сиёҳпӯсти амрикоӣ Роберт Ҷонсон талаб намудааст, барои дар ин кишвар асрҳо вуҷуд доштани ғуломдорӣ ба мардуми сиёҳпӯст ҷубронпулӣ дода шавад. Ба андешаи ин миллиардер, ҳукумат ба мардуми сиёҳпӯст бояд 14 миллиард доллар ҷуброн пардохт намояд.

Ҳофизаи маъруфи Амрикоӣ Мадонна дар роҳпаймоии зиди нажодпарастӣ дар Лондон рухдода ширкат варзидааст. Ӯ ба ин чорабинӣ, ки ҳазорҳо нафар ширкат доштанд, бо шумори ками посбонон ва асобағал омадааст. Ин амали ҳофиза ҳозиринро ба ваҷд овардааст.

Воситаҳои ахбори оммаи ИМА Русияро барои бетартибиҳо айбдор намуда, навиштаанд, ки дар пушти ҳамаи ин моҷаро маҳз ин кишвар истодаю вазъро назорат дорад. Сафири Русия дар ИМА Анатолий Антоновро лозим омад, вобаста ба ин масъала изҳорот намояд. Ӯ гуфтааст: “Русия аз эътирозҳои оммавӣ хушҳол нест. Ин бадбахтист, зеро одамон мефавтанд”.



Т. ДАВЛАТ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.