23 ноябр дар Академияи илмҳои ҷумҳурӣ бо ташаббуси Кумитаи иҷроияи Ҳизби халқии демократии Тоҷикистон дар шаҳри Душанбе (КИ ҲХДТ) конференсияи илмӣ-назариявӣ баргузор гашт.

Дар он намояндагон аз Дастгоҳи иҷроияи Президенти кишвар, Дастгоҳи КИМ ҲХДТ, Мақмоти иҷроияи ҳокимияти давлатии шаҳри Душанбе, аъзои раёсат ва кормандони КИ ҲХДТ дар шаҳри Душанбе ва дигар меҳмонон иштирок намуда, дар мавзуъҳои “Парчам – рамзи ҳувияти миллӣ”, “Парчами давлатӣ рамзи Истиқлолияту ифтихори миллӣ аст”, “Аҳамияти рангҳо дар интерпретатсияи рамзҳо” ва “Ҷавонон – парчамбардори миллат” суханронӣ намуданд.

Зикр гардид, ки Парчами миллӣ ифодагари иқболу Истиқлол, нангу номус, ватандӯстиву ватанпарастӣ ва ҳувияти миллии мардуми куҳанбунёду фарҳангии тоҷик мебошад.