Дар соли 2022 аз ҷониби Прокуратураи генералии Ҷумҳурии Тоҷикистон бобати назорати риояи дақиқ ва иҷрои якхелаи қонунҳо оид ба ҳифзи ҳуқуқу озодиҳои инсон ва шаҳрванд як қатор корҳои амалӣ ба анҷом расонида шудаст.

Дар ин бора Раҳмон Юсуф, Прокурори генералии Ҷумҳурии Тоҷикистон 17-уми феврал зимни нишасти хабарӣ иттилоъ дод.

Номбурда ҳамчунин қайд кард, ки мубориза бо терроризм, экстремизм ва коррупсия яке аз самтҳои афзалиятноки соҳа дар соли сипаришуда буд.

- Дар соли 2022 дар заминаи ҳамкориҳои байналмилалӣ 97 нафар, аз ҷумла 18 нафар ҷинояткоре, ки дар кофтукови байналмилалӣ бо ҷиноятҳои хусусияти экстремистӣ ва террористӣ дошта, қарор доштанд, ба Тоҷикистон оварда шуданд,- гуфт Прокурори генералӣ.